28te Yuuli–3te Akust
Unser kristlich leepe un preetich — Xtuutyum heftche — 2025 | yuuli

28TE YUULI–3TE AKUST

XPRIICHE 24

Liit 38 un kepeet | Eyerste komentaare (1 min.)

WUNERLICHE TINGE FON KOT SAYN WORT

1. Ferxtërk tich selepst fer xwiirichkheete iwerkhome

(10 min.)

Ferkrees tayn khëntnis un kluucheet (Xpr. 24:5; it-2 643 ap. 2)

Hal tayn kaystlich rotiin soo kaar wëns tuu oone muut pist (Xpr. 24:10; w09 15/12 18 ap. 12-13)

Een ticht fraayntxaft mit Yeehoowa helft uns wiiter uf xtaye wën ti xwiirichkheete uns fale mache (Xpr. 24:16; w20.12 15)

Een xwester, woo een xroo krankheet hot, xaft froo in te preetich aarwayt haus tsu haus mit sayn fraayntin. Tii penutst sayn tablet fer tsaye fer een fraa kepe, woo am teer is.

2. Suuch wunerliche tinge fon te Piipel

(10 min.)

  • Xpr. 24:27 — Was lërne meyer mit tiise tekst? (w09 15/10 12)

  • Was fer wunerliche tinge host tuu in te Piipel leesung fon te woch kefun?

3. Piipel leesung

(4 min.) Xpr. 24:1-20 (th lisyoon 11)

MACH TAYN PESTES IN TE PREETICH

4. Kexpreeche aan fange

(2 min.) INFORMAAL TSAYE. Tas kexpreech khomt tsum ën eeps tuu een tsaye kepe khanst. (lmd lisyoon 2 phunkt 4)

5. Kexpreeche aan fange

(3 min.) HAUS TSU HAUS. (lmd lisyoon 3 phunkt 4)

6. Kexpreeche aan fange

(3 min.) PUUPLIX TSAYE. Fertseel fer te persoon iwich unser Piipel khurs, un los mit tëm te pesuuch khaart fom Piipel khurs. (lmd lisyoon 4 phunkt 3)

7. Reet

(3 min.) lmd Ekstra teel A phunkt 11 — Theema: Kot xprecht mit uns. (th lisyoon 6)

UNSER KRISTLICH LEEPE

Liit 99

8. Heleft eene ti anere torich xlime tsayte

(15 min.) Reet mit antworte fon te kemaynt.

In kwalkee momënt, khan een unklik foer khome, soo wii een krankheet woo sich xnel ferprayt, een natuer katastroof, een wyolënt protëst keeche ti rechiirung, een kriich, orer een yachtung. Wën soo was pasiirt, ti priiter woo petrof kep sin, tuun sich samer hale fer eene ti anere helfe un uf muute. Awer aach wën mer net petrof kep sin, xpiire mer ti xmërts fon unser priiter un wole mer unser pestes mache fer tëne helfe. (1 Kor. 12:25, 26)

Pilter: Priiter un xwestere helfe sayn priiter im klaape in unerxiitliche aate. 1. Priiter un xwestere paue een Raych Saal wiiter uf, woo fon een natuer katastroof fernicht kep is. 2. Priiter un xwestere nëme een mama un sayn meetche hërtslich aan, woo aus rayse muste fer xuts suuche. 3. Een xwester tuut kelt in te tonatiiw khaste fom Raych Saal rin tuun. 4. Priiter un xwestere fersoriche leepensmitel fer sayn priiter im klaape woo xuts in een Raych Saal kesuucht hon. 5. Fraywilicher kepe flaxe waser ap fer anere priiter woo in noot sin. 6. Een pruuter macht een kepeet.

Lees 1 Kheeniche 13:6 un Tyako 5:16 2te teel. Nochter, froo:

  • Warom hon unser kepeete noo unser priiter soo fiil kraft?

Lees Markus 12:42-44 un 2 Korinter 8:1-4. Nochter, froo:

  • Soo kaar wën meyer net soo fiil tonatiiwe kepe khene fer unser priiter in noot helfe, warom is es noch soo wichtich tas mache?

Tsaych te WIITEO Ti priiter am ferxtërke in ti tsayt woo unser aarwayt ferpoot waar. Nochter, froo:

  • Was fer liipliche aanxtrengunge hon unser priiter kemacht fer ti priiter in Oëst Europa helfe, wii ti preetich aarwayt tat ferpoot waar?

  • Soo kaar unich ferpiitung, wii hon unser priiter tas kepoot aan kewënt iwer sich fersamele un naner uf muute? (Hep. 10:24, 25)

9. Kemaynt Piipel xtuutyum

(30 min.) lfb kexichte 4-5

Letste komentaare (3 min.) | Liit 112 un kepeet

Thitel list
Te Wachthorm (Xtuutyum) — 2025 | maay

Xtuutyum Artikel 21: 28te Yuuli, 2025–3te Akust, 2025

14 Suuch ti xtat woo fer imer playpt