2te Kheeniche

2 In eene fon tëne sayn atake keeche tas lant fon Israël, hate ti siiryer een kleen meetche mit kenom, un tii is sklaawin fon Naaman sayn fraa kep. 3 Tas meetche hot fer sayn hërin kesaat: “Es weyer soo kuut wën mayn hër te profeet in Samaria pesuuche teet! Tan, teet eyer mayn hër fon sayn lëpra heele.” 11 Too is Naaman pees kep un hot aan kefang fat keen. Eyer hot kesaat: “Ich hon ketenkt tas eyer ferweenichst raus khome teet, un sich foer mich xtele teet un te naame fon Yeehoowa sayn Kot foer mich saan teet; un tas eyer teet sayn hant hin un heyer iwer ti lëpra tuun fer mich heele. 12 Sin net ti fluse Apana un Farpar in Tamaskus, peser wii tas kanse waser in Israël? Khan ich mich net in tëne wexe un sauwer wëre?” Tan hot eyer sich rom ketreet un is wuutich faart kang. 13 Too, sin sayn tiiner tichter pay tëm khom un hon tëm kesaat: “Mayn fater, wën te profeet tich was xweyeres ferlangt hët, teest tuu tas net mache? Awer tee hot ploos kesaat: ‘Wex tich un say phuer.’ Weyers net peser tas mache?” 14 Tes weeche, is eyer tsum Yortan kang un hot sich 7 mool ketaucht, soo wii te man fom woere Kot kesaat hat. Tan, is sayn haut wii een kleen puup sayns kep, un tee is phuer kep. 15 Noo tas, sin Naaman un al woo mit tëm kereest sin tsurik tsum man fom woere Kot kang. Tee hot sich foer tëm profeet kextelt un hot kesaat: “Yets wees ich tas es khee Kot uf kheen plats uf te eyert kept; ploos in Israël. Yets, pite, nëm een kexenk fon tayn tiiner aan.” 16 Awer Eliseu hot kesaat: “Soo sicher wii Yeehoowa leept, tëm woo ich tiine, tuun ich tas kexenk net aan nëme!” Naaman hot aan kehal tas eyer es aan nëme solt, awer eyer hot ap kesaat.