2te Kheeniche

7 Eliseu hot tan kesaat: “Heert Yeehoowa sayn wort. Soo saat Yeehoowa: ‘Moye, um tiise uertsayt, am tooer fon Samaria, tuut een seaa fon fayne meel een sikel khoste, un tswaay seaas fon keerst tuun een sikel khoste.’” 2 Te ofitseer aan wëm te kheenich ketraut hot, hot tan fer te man fom woere Kot kesaat: “Aach wën Yeehoowa ti flustoore fom himel uf mache teet, meecht tas wërklich pasiire khene?” Eliseu hot keantwort: “Tuu tuust mit tayne aychne aue tas pasiire siin, awer tuust tuu net tefun ese.” 6 In te akampament fon te siiryer, hot Yeehoowa kemacht tas se te ratau fon kriichs ween un fon kayl heere teete, te ratau fon een kroos militeer. Soo, hon ti siiryer eene fer te anere kesaat: “Kukt mool! Te kheenich fon Israël hot sich mit te kheeniche fon te hitiiter un ti kheeniche fon Ejipt samer ketuun fer uns atakiire!” 7 Tii sin klaych foer nacht aus keris un hon sayne parake, sayne kayl un sayne esel im xtich kelos. Tii hon sayn akampament kelos soo wiis waar un sin ap kehaut fer sayn leepe rete. 16 Tan, sin ti layt tsum akampament fon te siiryer kang un hon ales kextool. Soo, een seaa fon fayn meel hot een sikel kekhost un tswaay seaas fon keerst hon een sikel kekhost, tëm noo was Yeehoowa kesaat hat. 17 Te kheenich hot kexikt tas te ofitseer aan wëm eyer ketraut hot tas tooer uf phase solt. Awer ti layt hon tëm ufm pootem fertreet un eyer is kextorep, soo wii te man fom woere Kot fer te kheenich kesaat hat wii eyer tëm aan ketrof hot. 18 Es is kenau soo pasiirt wii te man fom woere Kot fer te kheenich kesaat hat: “Moye, um tiise uertsayt, am tooer fon Samaria, tuut een seaa fon fayn meel een sikel khoste, un tswaay seaas fon keerst tuun een sikel khoste.”