Yoop

36 Elyuu saat noch: 2 “Say noch een pisye ketultich mit mich tas ich wayter aus leye, wayl ich hon noch etwas in Kot sayn naame fer saan. 3 Ich wëre ales saan was ich wees, un wëre pekhant mache tas ti kerechtichkheet keheert tsu Tëm woo mich kemacht hot. 4 Mayn wërter sin kans pextimt net falx; Un Tee woo een perfekt khëntnis hot, is hiir, foer tich. 5 Sicher, Kot is meechtich un xtost nimant tsurik; Tee hot kroos ferxtentnis. 6 Tee wërt net ti xlechte sayn leepe hale, awer tee wërt kerechtichkheet kepe fer tëne woo layte. 7 Tee lost ti kerechte net aus sayn aue. Tee setst se uf troone mit kheeniche, un tii wëre ferkreest fer imer. 18 Awer phas uf tas ti wuut tich net nëmt etwas mit piterliche xpiirunge mache, un los tich net ap lenke mit uneerlich kelt kriin. 22 Kuk! Kot is kroos in macht; Was fer leerer is soo wii tee? 26 Yawool, Kot is kreeser wii mer ferxteen khene; Meyer khene kaar net ferxteen wii alt eyer is. 27 Tee tsiit ti waser trope ruf; Te tunst tuut sich kontensiire fer reene. 28 Ti wolke reene tan ap, Un es falt runer uf ti mënxe.