Psalme

96 Singt een nay liit fer Yeehoowa. Sing fer Yeehoowa, ti kans eyert! 2 Singt fer Yeehoowa; loopt tëm sayn naame. Tuut taach noo taach ti kuute notisye fon sayn retung aus xpreche. 3 Macht sayn eer fer ti natsyoone pekhant; Sayn wunerliche aktsyoone, fer al ti folke. 7 Kept Yeehoowa was eyer fertiint, teyer familye fon te folke; Kept Yeehoowa was eyer fertiint weeche sayn eer un kraft. 8 Kept Yeehoowa ti eer woo sayn naame fertiint. Pringt een opfer un tuut in Tëm sayn hoofe rin keen. 9 Tuut aych foer Yeehoowa piie mit hayliche tsaych. Ti kans eyert sol foer tëm tsitere! 10 Macht fer ti natsyoone pekhant: “Yeehoowa is Kheenich kep! Ti eyert is fest kextelt; tii khan net kexiitelt wëre. Tee tuut ti folke mit kerechtichkheet richte.” 11 Fray tich, himel, un yuks, eyert. Tas meer un ales in tëm sole tunere. 12 Ti khëmp un ales was tat truf is, sole sich fraye. In te selwich tsayt, ale peem fom walt, sole fon frayt yukse 13 Foer Yeehoowa, wayl eyer khomt; Eyer khomt fer ti eyert richte. Eyer tuut ti pewoont eyert mit kerechtichkheet richte, Un ti folke mit sayn troyheet.