Xpriiche

14 Ti fraa woo wërklich kluuch is tuut sayn haus uf paue, Awer ti tum fraa fernicht tas haus mit sayn aychne hënt. 2 Weer kerecht in sayn leepe is, tsaycht tiif respekt tsu Yeehoowa, Awer weer torich ferkheerte weeche keet, xtos tëm ap. 7 Hal tich wech fon tëm tume, Wayl tuu tuust khee khëntnis in tëm sayn lipe fine. 9 Ti tume layt lache iwer ti xult, Awer tswixich ti kerechte kepts ti wile fer friit se mache. 10 Yeete hërts khënt sayn aychne xmërts, Un sayn frayt khan net mit te anere keteelt wëre. 12 Es kept een weech woo fer te mënx richtich aus siit, Awer am ën, fiirt eyer tsum toot. 15 Een eenfeliche mënx klaapt aan yeete wort, Awer weer kluuch is, tenkt kuut traan eep eyer yeete xrit kept. 16 Te kluuche is foersichtich un playpt wech fon tas xlechtes, Awer te tum phast net uf un klaapt aan sich selepst. 17 Weer klaych pees wërt, tuut tumheete mache. Awer een man woo triwer noo tenkt is kehast. 23 Yeete xweyer aarwayt pringt nuts, Awer ploos fertseele nëmt tsu ti aarmheet. 29 Weer lamsam is fer wuutich kepe hot fiil ferxtëntnis, awer weer unketultich is tsaycht sayn tumheet. 30 Tas ruue hërts is leepe fer te khërper, Awer ti ayfersuucht macht ti knoche faule. 31 Weer te keweenliche mënx petrikt, pelayticht Tee woo tëm kemacht hot, Awer weer mitlayt fer te aarme tsaycht, ferhërlicht Kot.