Xpriiche

30 Wërter fon Akur, soon fon Jake. Ti wichtich pexeet woo eyer aus kexproch hot fer Itiel; fer Itiel un fer Ukal. 8 Hal mich fon te falxheet un ti liieray wech. Kep mich net aarmheet un aach net raychtum; Kep mich aynfach tas esmitel woo kenuuch fer mich is, 9 Tas ich net sat wëre un tich im xtich lose, un saan: “Weer is Yeehoowa?” Un tas ich net aarm wëre un ti anere xteele, un soo, xaam fer te naame fon mayn Kot pringe. 15 Ti pluutsuukler hon tswaay tochtere woo xraaye: “Mee! Mee!” Es kept tray tinge woo nii tsufriite sin, Fier woo nii saan: “Es is kenuuch”: 16 Tas Kraap, ti muterlayp fon te fraa woo khee khiner kriin khan, Tas lant woo khee waser hot, Un tas fayer, woo nii saat: “Yets xeks!” 18 Es kept tray sache woo tsu fiil sin fer mich ferxteen, fier sache woo ich net ferxteen khan: 19 Te weech fon een aatler im himel, Te weech fon een xlang uf een fels, Te weech fon een xif ins meer, Un te weech fon eene man mit een yung fraa. 24 Es kept 4 tiere woo tswixich ti kleenste fon te eyert sin, Awer noch soo, sin se aarich kluuch: 25 Ti aamayse sin net xtark, Toch, tuun se sayn esmitel im sumer samer refe. 26 Ti prokaawye hon net fiil kraft, Awer paue se sayn haus in te felse.