Xpriiche

5 Krii kluucheet, krii ferxtëntnis. Ferkes net orer tuu tich net ap lenke fon was ich saan. 7 Ti kluucheet is tas haupste; tan, krii mee kluucheet. Un, mit ales was tuu kriist, krii aach ferxtentnis. 10 Heer, mayn soon, un nëm mayn wërter aan, Un tan tuust tuu fiile yoore leepe. 11 Ich lërne tich im weech fon kluucheet; Ich fiire tich im weech fon kerechtichkheet. 12 Wëns tuu laafe tuust, niks tuut tayn xrite xteere; Un wëns tuu xpringe tuust, tuust tuu net xtolpere. 13 Halt tich fest aan te tisipliin — los se net keen. Xits tii, wayl se tayn leepe petayt. 14 Kee net ufm weech fon te xlechte Un laaf net ufm weech fon te xlechte mënxe. 15 Hal tich too tefun wech un keet net tat torich; Hal tich too tefun wech un kee wayter foran. 18 Awer te weech fon tëm kerechte is wii tas hele moyntslicht, Woo wërt heler un heler pis wan te taach kans hel is. 21 Los se net fon tayn aue wech khome, tuu se tiif im hërts pehale. 22 Wayl tii sin leepe fer tii woo se aan trefe Un kesuntheet fer sayn kanse khërper. 23 Iwer ales, phas tayn hërts uf, Wayl fon tëm khome ti kwele fom leepe. 25 Tayn aue sole richt foran kuke; Yaa, kuk fest uf tas was foer tich is. 26 Mach te weech fer tayn fiis richt, Un ale tayn weeche wëre tan sicher. 27 Lënk tich net ap fer ti recht orer ti link sayt. Hal tayn fiis wech fon tas xlechtes.