Isayas

42 Kukt too! Mayn tiiner, woo ich pay xteen! Mayn auskesuuchte, woo ich aan nëme! Ich hon mayn kayst fer tëm kep; Tee pringt kerechtichkheet fer ti natsyoone. 2 Tee tuut net xraaye orer hart xpreche; Uf te xtroos, lost eyer net sayn xtim keheert wëre. 3 Een fertriktne pinse ruut, tuut eyer net ferpreche, Un een fayerkotel woo noch tëmpt, tuut eyer net aus mache. In troyheet, tuut eyer ti kerechtichkheet pringe. 5 Soo saat te woere Kot, Yeehoowa, Te Kriatoer fom himel un te Kroosmechtiche woo tee aus keprayt hot, Tee woo aus kexpant hot ti eyert un ales was aus tëne khomt, Tee woo ti mënxheet ochtem kep un kayst fer tii woo uf tëne leepe. 8 Ich sin Yeehoowa. Tas is mayn naame. Ich tuun mayn hërlichkheet fer khee anere kepe, un aach net mayn loop fer auskepiktne xtaatue. 9 Kukt, ti eyerste tinge sin xon pasiirt; Yets tuun ich naye tinge pekhant mache. Eep se tsum foer xayn khome, tuun ich se aych tsayche.