Markus

4 “Fertseel uns, wan tuun tiise tinge pasiire un was wërt tas sinaal sin tas ale tiise tinge neekst am ën sin?” 8 “Wayl natsyoon tuut sich keeche natsyoon xtele un raych keeche raych. Uf een plats noom anere tuut es eyertxutere kepe. Es wërt aach esmitel feele. Tiise tinge sin een aanfang fon te noot xmërtse. 9 Un teyer, phast uf. Ti layt tuun aych fer ti kerichte fom plats ap kepe un aych in te sinakooke xlaae un, weeche mich, tuun se aych xike forich rechiirente un kheeniche xteen, wii een tsaye fer tëne. 10 Un aach, in te kanse natsyoone, mise ti kuute notisye tsu eyerst kepreeticht wëre. 13 Weeche mayne naame, ale layt tuun aych hase. Awer weer pis tsum ën aus halt, wërt keret. 19 Wayl tiise taache wëre taache sin fon tripulatsyoon, soo wiis noch nii pasiirt is fon aanfang aan fon Kot sayn kriatsyoon, woo Kot kemacht hot, pis yets hin, un wërt nii mee pasiire. 27 Tan tuut eyer sayn engele xike un sayn rauskesuuchtne fon te fier richtunge samele, fom wayteste ek fon te eyert pis tsum wayteste ek fom himel. 32 “Nimant wees te taach orer ti xtun, noch net mool ti engele im himel orer te Soon: ploos te Fater wees es. 33 Sayt wachsam; playpt wach; wayl teyer wist net wën es ti pextimt tsayt is. 34 Is eenlich wii een man woo een wayt rees macht. Tee hot sayn haus kelos un hot autoriteet fer sayn slaawe kep, fer yeete eene sayn aarwayt. Un tee hot te toerwachter kexikt sich wachsam hale. 35 Un soo, halt aych wachsam wayl teyer wist net wën te hër fom haus tsurik khomt, xpeet im taach, in te halp nacht, eep ti sun uf keet, orer moynts frii, 36 tan, wën tee uf een mool tsurik khomt, tas tee aych net am xloofe aan treft. 37 Was ich fer aych saan, saan ich fer al: Halt aych wachsam.”