Markus

19 Awer Yeesus hot tas net kelos un hot kesaat: “Kee hëm, tsu tayn parente, un fertseel tëne ales was Yeehoowa fer tich kemacht hot, un ti parmhërtslichkheet woo Eyer fer tich ketsaycht hot.” 23 Un tee hot noo un noo aan kehal: “Mayn meetche is mechtich krank. Khom, pite, un tuu tayn hënt iwer tii, tas se khan keheelt wëre un wayter leepe.” 25 “Un es waar een fraa woo een pluut aus laafe torich 12 yoore mit kemacht hot. 26 Tii hat fiil mit kemacht in te hënt fon fiile toktere, un hot sayn kanse tinge aus kep. Awer tii is xlechter kep, xtats peser. 27 Wii se iwich Yeesus keheert hot, is se hiner traan ticht pay tee khom, tswixich ti mënxe, un hot sayn tsaych aan kekrif, 28 wayl se saat: ‘Wën ich ploos aan sayn tsaych aan krayfe, wëre ich kesunt.’ 29 Un klaych is te pluut flus ketrokënt, un tii hot in sayn khërper kexpiirt tas se fon te xlim krankheet keheelt waar.” 30 Klaych hot Yeesus kemërkt tas kraft fon iim aus kang waar, un hot sich rom ketreet im folek un kefroot: “Weer hot mayn tsaych aan kekrif?” 31 Sayn tisipele hon kesaat: “Hër, tuu siist toch tas ti mënxe kans ticht um tich rom sin, un tan froost tuu noch: ‘Weer hot mich aan kekrif?’ 32 Awer eyer hot um sich rom kekukt fer siin weer tas kemacht hat. 33 Ti fraa, woo wust was mit tëne pasiirt is, waar weeche pang am tsitere. Tan is se ticht khom, hot sich foer tëm kekniit un ti kans woerheet tëm kesaat. 34 “Tee hot fer tii kesaat: ‘Tochter, tayn klaape hot tich kesunt kemacht. Kee in friit un say fon tayn xlim krankheet keheelt.’” 35 Wii tee noch am xprëche waar, sin ëtliche mëner fom presitënt fon te sinakook sayn haus khom un hon kesaat: “Tayn meetche is kextorep! Fer was te Leerer noch xteere?” 41 Tan, hot er tas meechte sayn hant kehoolt un hot fer tii kesaat: “Taliita kumi”, woo iwersëtst petayt: “Meetche, ich saan teer: Xtay uf!”