Aphostele sayn Kexicht

16 Tan, is eyer tsu Tërpe un Listra khom. Tat waar een tisipel mim naame Timoteus, soon fon een yiitix fraa woo klaapich waar, awer sayn fater waar kreekix, 2 un ti priiter in Listra un in Ikonyo hon kuut iwer tëm kexproch. 3 Phaul wolt hon tas Timoteus solt mit iim keen un hot tëm pexnit weeche ti yuute woo tat kewoont hon, wayl al wuste se tas sayne papa kreeker weyer. 4 Wii se torich ti xtëte kereest sin, hon se tsu te priiter pekhant kemacht ti ëntxlise fon te aphostele un elteste in Yeruusalem, tas se ti kesetse aan heere solte. 5 Soo, sin ti kemaynte im klaape kextërekt woer un taach tsu taach kreeser kewoer. 6 Ti sin kereest torich Friixya un tas lant fon Kalasya wayl te hayliche kayst tëne ferpoot hat tas wort aus xpreche in te prowins fon Asya. 7 Wii se runer tsu Misya kang sin, hon se fersuucht in Pitiinya rin keen, awer Yeesus sayn kayst hot net erlaupt tas mache. 8 Un soo, sin se torich Misya kang un sin runer khom tsu Troat. 9 Am nacht, hot Phaul een wisyoon kriit: een masetoonixe man waar am xteen un hot tëm aan kehal: “Khom tsu Matsetoonya un helef uns.” 10 Klaych wii eyer ti wisyoon kriit hot, hon mer ap kexlos tsu Matsetoonya se keen, wayl mer waare uns sicher tas Kot uns keruuft hat fer ti kuute oter tat pekhant mache. 13 Am samstaach, sin mer fons toer fon te xtat raus kang un mer sin tsu een flus kang, wayl mer ketenkt hate tas tat een plats fer se peete weyer. Tan hon mer uns hin kesetst un aan kefang se xpreche mit ti fraae woo tat sich fersamelt hate. 14 Een fraa woo Litya keheest hot, waar am horiche. Tii hot purpur ferkhaaft un is fon te xtat Tyatira heyer khom. Tii hot Kot aan kepeet. Un Yeehoowa hot tëne sayn hërts kans uf kemacht tas se acht kepe teet fer was Phaul am xpreche waar. 15 Noo tas Litya un tii fon sayn haus sich taafe kelos hon, hot se aan kehal: “Wën teyer mënt tas ich troy tsu Yeehoowa sin, khomt un playpt in mayn haus.” Un tii hot aan kehal pis meyer tas aan kenom hon 16 Een taach, wii mer uf tëm weech tsu tëm kepeet plats waare, is uns een tiinst meetche ëntkeeche khom. Tii hat een kayst, een temoon woo ti tsukhunft foer hëyer saat un hot too torich fiil këlt fer sayn hëre kewun. 17 Tas meetche is Phaul un uns noo kang, un hot kexraayt: “Tiise mëner sin sklaawe fon Kot, te Heechste, woo fer aych te weech fon te rëtung preetiche tuun.” 22 Un tas kans folk hot sich keeche tëne kextelt; (...) 23 Tii hon tëne fiil kehaut, un se hon tëne in te katee kexmis. Un te katee wachter is kexikt woer fer tii kuut wachte. 24 Wii eyer tiise kepoot kriit hot, hot eyer se in te katee im khele kexmis un tëne sayn fiis aan een planx fest kemacht. 25 Awer, unkefeer um mite nacht, Phaul un Silas waare am peete un hon Kot mit liite keloopt, un ti inkexpërtner hon se keheert. 26 Too is terek een kroos eyertxuter pasiirt, soo xtark tas ti funtamente fon te katee kewakelt hon. In tiise xtun, sin ti teere uf kang un al sayn khete waare loos. 27 Wii te katee wachter wach kep is un ti teere fon te katee uf xteen kesiin hot, hot sayn xwaart kehool un waar fërtich fer sich um pringe, wayl eyer ketenkt hot tas ti inkexpërtner aus keris sin. 28 Awer, Phaul hot kexraayt: “Tuu tich niks mache. Meyer sin al hiir!” 29 Te katee wachter hot ferlangt fer licht pringe, is rin kexprung un, am tsitere, hot sich foer Phaul un Silas kepikt. 30 Un eyer hot se raus keprung un hot kesaat: “Hëre, was mus ich mache fer keret wëre?” 31 Tii hon keantwort: “Tuu aan te hër Yeesus klaape un tuu wërst keret, tuu un tayn familye.” 32 Un tii hon Yeehoowa sayn wort fer tee un fer ale in sayn haus kepreeticht. 33 Tee hot se in tiise selwich nacht xtun mit kenom un iire wee sauwer kemacht. Tan tee un ale in sayn haus sin klaych ketaaft woer. 34 Tee hot se in sayn haus kenom un ti tix foer iir ketekt, un eyer un al fon sayn haus hon sich aarich kefrayt wayl se aan Kot keklaapt hate. 37 (...) Yets tuun se uns haymlich faart xike? (...) 40 Awer Phaul un Silas, wii se aus te katee raus kang sin, sin se tsu Liitya sayn haus kang. Wii se ti priiter kesiin hon, hon se tii uf kemuut; nochter sin se wech kang.