1te Thesalooniker

3 Tës weeche, wii mëyer nëme aus kehalt hon, hon mer pëser kefun aleen in Atenas plaype 2 un Timoteus fer aych xike, unser pruuter un Kot sayn tiiner in te ausxprechung fon te kuute oter iwich Kristus; meyer hon tee kexikt fer aych xtërke un treeste mit was mit ayre klaape se tuun hot, 3 tas nimant sich oone muut xpiirt weeche tiise xwiirichkheete. Wayl teyer selepst wist tas meyer fon tiise tinge net aus rayse khene. 4 Wën mer mit aych waare, hon mer xon foer heyer kesaat tas meyer xwiirichkheete mit mache teete, un tas is was am pasiire is, wii teyer wist. 5 Es waar weeche tas, wën ich nëme aus hale khont, hon ich tee kexikt fer se wise op tëyer wayter troy waart, wayl ich hon mich ketanke kemacht tas te Fersuuchner in een aat aych fersuucht hët, un unser flaysich aarwayt umsonst wëyer 6 Awer Timoteo is yets fon tat khom un hot uns kuute notisye këp iwich ayre liip un sayn troy aat fom leepe, un hot kesaat tas tëyer imer wayter kuute aantënke fon uns hot un winxt uns noch mool siin, soo wii mëyer aach winxe aych siin. 7 Es is weeche tas, priiter, tas in unser kans xmërts un xwiirichkheet, sin mer weeche aych un sayn troy aat fom leepe woo tëyer tsaycht, ketreest këp 8 Wayl, wën teyer fest im Hër playpt, plaype mer uf kemuut. 9 Wii khëne mer fer aych un ti kroos frooheet woo mer xpiire foer unser Kot weeche aych tsu Kot tanke? 10 Nacht un taach tuun mer aan hale un xtarëk ferlange fer aych perseenlich siin un was in iire klaape feelt, komplët mache. 11 Tas Kot, unser Fater, un unser Hër Yeesus te weech uf mache sol tas meyer tsu aych keen khene. 12 Un noch, meyer winxe tas te Hër macht tas ayre liip eene tsu te anere un tsu al wakse tuut, yawool, tas tiise liip iwerlaaft, soo wii unser liip tsu aych iwerlaaft; 13 soo tuut ëyer ayre hërts fest mache, in perfëkt haylichkheet foer unser Kot un Fater, in te tsayt tas unser Hër Yeesus too wëyer mit sayn ale hayliche.