2te Timoteus

2 Un fertrau tsu troye mëner ti tinge woos tuu host fon mich keheert, un woo sin torich fiile tsayer fest kextelt; soo wëre se aach inkeiipt fer ti anere in lërne. 3 Wii een kuut soltaat fon Yeesus Kristus*, mach xwiirichkheete mit un hal aus. 4 Nimant woo wii soltaat tiint, tuut sich rin mexe in kexëfte tinge fom mënxlich leepe, fer tee woo iim wii soltaat in kesëts hot, tsufriite lose. 10 Tes weeche, tuun ich wayter ales aus hale weeche ti rauskesuuchtne, tas se aach torich Yeesus Kristus keret wëre khene un eewich hërlichkheet kriin khene. 12 Wën mer wayter aus hale, tuun mer aach mit tëm rechiire. Wën mer tee ap saan, tuut ëyer uns aach ap saan. 13 Wën mer untroy sin, tee halt sich troy, wayl tee khan net etwas mache woo keet keeche was eyer is. 15 Mach ales was meechlich is fer foer Kot aan kenom wëre, wii eene aarwayter woo niks hot fer sich xeeme, woo tas wort fon te woerheet richtich hantele tuut. 16 Awer, lost uf sayt kexpreeche woo keeche keen fon was haylich is, wayl tii nëme tsu een xlëchtichkheet woo noch kreeser wërt. 19 Noch soo, te fest funtament fon Kot playpt te selwich, mit te selo: “Yeehoowa khënt tii woo tëm keheere” un “Al woo Yeehoowa sayn naame ruufe sole sich wayt fon te unkerechtichkheet hale”. 20 In een kroos haus, kepts net ploos kexër fon kolt un silper, awer aach fon hols un leet; etliche wëre in eer penutst un anere wëre oone eer penutst. 21 Soo, wën yemant wayt wech fon te letste playpt, wërt eyer een kexër woo eer kriit, kehaylicht un nutslich fer sayn hër, fërtich fer yeete kuut aarwayt. 22 Tes weeche, rays aus fon te winxe fon te yunge yoore un suuch ti kerechtichkheet, te klaape, ti liip un te friit, mit tëne woo te Hër mit een phuer hërts aan ruufe. 23 Ale tëm, los uf sayt ti tuume kexpreeche woo khee tswek hon, wayls tuu weest tas tii xtrayte pringe tuun. 24 Te Hër sayn sklaaw praucht net xtrayte, awer mus tsaam mit al sin, kwalifitsiirt sin fer in se lërne, sich kontroliire wën eyer was xlechtes mit macht, 25 un mus mit tsaamheet in lërne tii woo net een kuut aanxtelung hon. Fiilaycht lost Kot tas se sich peroye, tas se khene tsu een kenau khëntnis fon te woerheet khome; 26 soo, tuun se in sich khome un fom Taywel sayn fale aus rayse, wayl eyer tëne lepeentich kefang hot fer tëm sayn wile mache.