Isayas

4 Unklik tsu te sintich natsyoon, Folk woo fiile feeler traat, Nookhomer fon te xlechte, korupte khiner! Tii hon Yeehoowa im xtich kelos, Tii hon te Haylich fon Israël mit khee respekt pehantelt, Tii hon tëm te pukel kep. 5 Woo noch solt teyer ferxlaa wëre, wayl teyer aych wayter repeliirt? Te kans khop is krank, Tas kanse hërts is ferletst. 6 Fom khop pis tsu te fiis, kepts niks kesuntes. Es kept ferletsunge, plaue plake un ufne wee — Tii sin net uf kephast, tsu kewikelt un aach net mit eel uf kexmiirt kep. 15 Un, wën teyer ti hënt aus xtrëkt, Tuun ich mayn aue fon aych ferxtëkle. Opwool teyer fiil kepeete macht, Tuun ich nët heere; Ayer hënt sin fol pluut. 16 Wext aych un macht aych sauwer. Nëmt ayre xlechtichkheet foer mayn aue wech. Lost noo tas xlechtes mache. 18 “Khomt, un wole mer ti sache tswixich uns in te ray tuun”, saat Yeehoowa. “Aach wën ayre sinte root sin, wëre se soo ways wii xnee sin; Aach wën se root wii karmesin xtof sin, wëre se soo ways wii wol sin.