Tyako
5 Heert, mayn liipe priiter. Is net woer tas Kot raus kesuucht hot tii, woo fer ti welt aarm sin, fer raych sin in te klaape un ërpere fom Raych, woo tee ferxproch hot fer tëne woo Eyer liipt? 8 Teyer tuut kuut mache wën teyer tas aarich wichtiche kesets erfiilt, woo in te Xrifte xteet: “Liip ti anere wii tich selepst.” 10 Wayl, wën yemant tas kans Kesëts aan heert, awer tuut in ploos een phunkt xtolpere, tuut ëyer tas kans Kesëts nët aan heere. 11 Wayl tee woo kesaat hot: “Tuu nët atultërio mache”, hot aach kesaat: “Tuu nët um pringe.” Soo, wëns tuu nët atultërio machst, awer tuust tuu um pringe, tuust tuu een keechner fom Kesëts wëre. 12 Tuut xprëche un sich aan xtële wii layt woo torich tas kesëts fon een fray folek kericht wërt. 13 Wayl weer net ti parmhërtslichkheet pratikiirt, wërt oone parmhërtslichkheet kericht. Ti parmhërtslichkheet tuut keeche ti kericht kewine. 14 Was fer tswek hot tas, mayn priiter, wën yemant saat tas eyer klaape hot, awer tuut tas net torich aarwayte tsayche? Meecht tiise klaape tëm rete khene? 15 Wën een pruuter orer xwester niks fer se aan tsiie hot un aach net kenuuch esmitel fer te taach, 16 un eene fon aych tuut fer tëm saan: “Kee in friit; halt tich waarem un sat”, awer tuut nët fer tëm këpe was ëyer fer sayn khërper praucht, was fer tswek hot tas? 17 Soo aach, is te klaape, oone aarwayte, toot. 18 Awer, yemant tuut saan: “Tuu host klaape un ich hon aarwayt. Tsaycht fer mich tayn klaape oone aarwayt, un ich tuun mayn klaape torich mayn aarwayt tsayche.” 19 Tuust tuu klaape tas ploos een Kot këpt? Tuust tuu aarich kuut mache. Awer, ti xlëchte ëngele tuun aach klaape un tuun fon pang tsiitere. 21 Waar net Apraham, unser fater, kerecht kenënt torich sayn aarwayt, noo eyer Isak, sayne soon, ufm altar keopfert hot? 22 Mërk tas tëm sayne klaape hot mit sayn aarwayte kexaft un tas tëm sayne klaape is perfekt kemacht kep torich sayn aarwayte. 23 Soo tas teel fon te Xrifte hot sich erfiilt, woo saat: “Apraham hot aan Yeehoowa keklaapt, un soo is eyer kerecht aan kesiin kep”, un tes weeche is eyer Yeehoowa sayn fraaynt kenënt kep. 24 Mërk tas te man wërt torich aarwayte kerecht aus kexproch, net ploos torich te klaape. 25 Waar tas aach net soo mit Raap, ti huurer fraa? Tii is kerecht aus kexproch kep weeche sayn aarwayte, wayl se ti pexeets mëner fraayntlich aan kenom hot un tii torich een aner weech kexikt hot. 26 Yawool, soo wii te khërper oone kayst toot is, soo is aach te klaape oone aarwayte, toot.