1te Yoohan

4 Keliipte, klaapt net aan kwalkee inspiriirt pexeet. Awer proopt ti inspiriirte pexeete fer se siin ep se fon Kot khome, wayl fiile falxe profeete sin in te welt tsum foer xayn khom. 4 Khinerche, teyer khomt fon Kot un teyer hot ti falxe profeete ap kewun, wayl tee woo pay aych is, is xtërker wii tee woo pay te welt is. 6 Mëyer sin fon Kot. Weer Kot khënt, heert uns aan; weer nët fon Kot is, heert uns nët aan. Un soo, mache mer ti unerxiit iwer ti inxpiriirt aus xprooch fon te woerheet un iwer ti inxpiriirt aus xprooch fon te falxheet. 7 Keliipte, wole mer wayter uns naner liipe, wayl ti liip khomt fon Kot, un yeete eene woo liipt, is fon Kot kepoer un tuut Kot khëne. 8 Weer net liipt, tuut Kot net khëne, wayl Kot is liip. 9 Torich tas, is Kot sayn liip tsu uns taytlich: Kot hot sayn eensiche kepoerne Soon uf te welt kexikt, tas mer torich tee leepe kreechte. 10 Ti liip halt sich net tas meyer Kot keliipt hon, awer tas eyer uns keliipt hot un hot sayn Soon kexikt wii een opfer fer unser sinte teke. 11 Keliipte, wën Kot uns soo keliipt hot, hon mer aach ti flicht fer eene te anere liipe. 16 Un meyer hon Kot sayn liip tsu uns khëne kelërnt un meyer klaape too traan. Kot is liip; weer in te liip playpt, playpt eenich mit Kot, un Kot tuut eenich mit tëm plaype. 18 Im liip is khee pang, awer te perfëkte liip yaat te pang fat, wayl te pang uns perkrënst. Wërklich, wëyer pang hot, is nët im liip perfëktsioniirt këp. 19 Meyer liipe wayl eyer uns eyerst keliipt hot. 20 Wën yemant saat: “Ich liipe Kot”, awer hast sayne pruuter, tan is eyer een liichner. Wayl, weer sayne pruuter net liipt, woo eyer siit, khan net Kot liipe, woo eyer net siit. 21 Un mëyer hon tiise kepoot kriit: tee woo Kot liipe tuut, mus aach sayn pruuter liipe.