Lukas
3 Im 15te yoer fon Tipëryus Sësar sayn rechiirung, waar Pontsyus Pilatus kowernatoer fon Yuteea; Herootes waar tistrikt kowernatoer fon Kalileya un sayn pruuter Fiilip, te tistrikt kowernatoer fon te rechyoon fon Itureya un Trakoniitis; un Lisaanyas waar tistrikt kowernatoer fon Apileene. 2 In tiise taache — ti taache fom haupste priister Anaas un fon Kayfas — hot Kot mit Yoohan, Sakarias sayn soon, im tesërt kexproch. 3 Soo is eyer torich ti kans rechyoon fom Yortan flus kang un hot iweraal kepreeticht tas ti layt muste sich taafe lose fer se tsayche tas se sich peroyt hate un, soo, fertsayung fon te sinte kriin. 4 Es is pasiirt kraat soo wii im puuch fom profeet Isayas xteet: “Yemant ruuft im tesërt: ‘Perayt te weech fer Yeehoowa foer! Lost ti weeche richt. 5 Yeete taal sol mit krunt kefilt wëre un al ti përiche un hiwele sole klayche kemacht wëre. Ti krume weeche sole richt kemacht wëre un ti weeche woo net eepne sin, sole eepne kemacht wëre. 6 Al ti mënxe sole siin wii Kot retung pringt.’ ” 10 Un ti layt hon tëm kefroot: “Was sole mer tan mache?” 11 Tee hot keantwort: “Weer 2 xtik tsaych hot, sol eene kepe fer yemant woo khee tsaych hot. Un weer ese hot, sol tas aach teele.” 12 Soo kaar tii woo xtayer ferlangt hon, sin khom fer sich taafe lose. Un tii hon kefroot: “Leerer, was sole mer mache?” 13 Tee hot keantwort: “Ferlangt net ekstra xtayer, awer ploos was tas kesets xtelt.” 14 Ti soltaate hon tëm aach kefroot: “Was sole meyer mache?” Tee hot keantwort: “Tuut net ti layt krop pehantele orer falx akusiire fer tëne sayn kelt kriin, awer sayt tsufriite mit ayre loon.” 15 Tas folek waar mit xtarke wunx am waarte un al hon sich im hërts iwer Yoohan kefroot: “Meecht eyer te Kristus sin?” 16 Yoohan hot ti antwort fer al taytlich kelos: “Ich taafe aych mit waser, awer es khomt tee woo xtërker wii ich is; noch net mool sayn santaalye fertiine ich loos pine. Tee tuut aych mit hayliche kayst un fayer taafe. 17 Eyer halt in te hant ti xip fer tas xtroo un te wayts aus naner mache. Tee tuut sayn trexpootem kans sauwer mache un te wayts in sayn xope samele, awer eyer ferprënt tas xtroo in een fayer woo net aus kemacht wëre khan.” 18 Yoohan hot aach fiil anere aanreete fer ti layt kep un hot wayter ti kuute notisye kepreeticht. 21 Wii ale layt sich taafe kelos hate, is Yeesus aach ketaaft woer. Wii tee am peete waar, hot te himel sich uf kemacht, 22 un te hayliche kayst is uf tëm khom in een khërpliche muste fon taup, un ausm himel is een xtim khom: “Tuu pist mayne liipe Soon; tuu kefalst mich.” 23 Wii Yeesus sayn tiinst aan kefang hot, waar eyer unkefeer 30 yoore alt. Ti mënxe hon tëm wii soon fon Yoosef kekhënt. Yoosef waar soon fon Elii, 24 soon fon Matat, soon fon Lewii, soon fon Melkii, soon fon Yanay, soon fon Yoosef, 25 soon fon Matatias, soon fon Amoos, soon fon Naum, soon fon Eslii, soon fon Nakay, 26 soon fon Maate, soon fon Matatias, soon fon Semey, soon fon Yoosek, soon fon Yotaa, 27 soon fon Yeoanan, soon fon Rësa, soon fon Soropapel, soon fon Sealtyël, soon fon Nerii, 28 soon fon Melkii, soon fon Atii, soon fon Kosan, soon fon Elmatan, soon fon Er, 29 soon fon Yeesus, soon fon Elyëser, soon fon Yorin, soon fon Matat, soon fon Lewii, 30 soon fon Simeoon, soon fon Yuutas, soon fon Yoosef, soon fon Yonan, soon fon Elyakin, 31 soon fon Meleaa, soon fon Mena, soon fon Matataa, soon fon Natan, soon fon Tawi, 32 soon fon Jesë, soon fon Opët, soon fon Poaas, soon fon Salmon, soon fon Nason, 33 soon fon Aminatap, soon fon Arnii, soon fon Esron, soon fon Përes, soon fon Yutaa, 34 soon fon Yaakop, soon fon Isak, soon fon Apraham, soon fon Tëra, soon fon Naoor, 35 soon fon Seruk, soon fon Reuu, soon fon Pelëk, soon fon Ëper, soon fon Selaa, 36 soon fon Kaynan, soon fon Arpaxat, soon fon Sem, soon fon Noee, soon fon Lamëk, 37 soon fon Metuusalem, soon fon Enok, soon fon Yarët, soon fon Malaleyël, soon fon Kaynan, 38 soon fon Enos, soon fon Sët, soon fon Aatam, soon fon Kot.