1te Samuël

2 Eyer hat tswaay fraae: een hot Ana keheest, un ti aner Penina. Penina hot khiner kehat, awer Ana hat khee khiner. 4 Eene taach wii Elkana een opfer kemacht hot, hot eyer teele fer sayn fraa Penina un al fer sayn puupe un meet kep, 5 awer fer Ana hot eyer een ekstra teel kep, wayl eyer Ana keliipt hot. Awer Yeehoowa hat iir khee khiner kep. 6 Un ti aner fraa, woo keeche Ana waar, hot se noo un noo ferxpot fer se traurich lose wayl Yeehoowa se khee khiner kexenkt hat. 7 Es waar soo wii Penina yeetes yoer kemacht hot. Imer wën Ana tsu Yeehoowa sayn haus ruf kang is, hot iire keechner tii soo prowokt tas se keprilt un net kes hot. 8 Soo hot Elkana, iire man, tëne kesaat: ”‏Ana, warom prilst tuu un warom tuust tuu net ese? Warom pist tuu soo traurich? Hon ich net mee weyert fer tich als tseen khiner?”‏ 10 Ana waar aarich unruych, un hot aan kefang tsu Yeehoowa peete un oone kontrol se prile. 11 Un tii hot tas ferxproch: “Oo Yeehoowa fon te militeer, wëns tuu tsu te unruychkheet fon tayn tiinerin kukst un tich fon mich erinerst, un tich net ferkest fon tayn tiinerin un kepst fer tayn tiinerin eene soon, een puupche, tuun ich tee fer Yeehoowa ap kepe fer ti kanse taache fon sayn leepe, un khomt khee rasiir meser uf sayn khop.” 12 Wii se fer een lang tsayt tsu Yeehoowa kepeet hot, hot Elii tsu iire lipe kekukt. 13 Ana hot fom sayn hërts aus kexproch*. Ploos sayn lipe hon sich keweekelt, awer sayn xtim waar net tsum heere. Tes weeche, hot Elii ketenkt tas se pesof weyer. 14 un Elii saat: ”‏Wii lang wërst tuu noch pesof plaype? Los noo wayn se trinke!”‏ 15 Ana hot keantwort: “Nee, mayn hër! Ich sin een fraa woo aarich unruych is; ich hon khee wayn un aach khee anere alkohool ketrenk ketrunk, awer ich tuun mayn seel foer Yeehoowa aus xite. 17 Un soo saat Elii: ”‏Kee in friit un te Kot fon Israël sol tich kepe was tuu fer tëm ferlangt host.”‏ 18 Tii hot keantwort: “Tayn tiinerin sol kefale foer tayn aue kriin.” Un ti fraa is faart kang, hot kes, un sayn kesicht waar net mee traurich. 20 In een yoer, is Ana xwanger kep. . . 28 Tes weeche, leene ich tëm fer Yeehoowa. Tee sol sayn leepe lang tsu Yeehoowa keheere.” Un tee hot sich foer Yeehoowa kepikt.