Yoop

7 Wii ich tsum tooer fon te xtat kang sin Un ich mich uf mayn plats in te prase kesetst hon, 8 Hon ti yunge mich kesiin un sin uf ti sayt kang, Un soo kaar ti alte layt hon sich uf kextelt un sin xteen keplip. 9 Ti prinse sin ruych keplip; Tii hon te munt mit sayn hant tsu kehal. 10 Ti xtim fon te importante mëner is ruych keplip; Tëne sayn tsung is am khaume fest kepapt. 11 Weer mich keheert hot, hot kuut iwer mich kexproch, Un tii woo mich kesiin hon, hon een kuute tsaye fon mich kep. 12 Wayl ich hon keret te aarm mënx woo noom hilef aan kehal hot, Un aach tas khint oone fater un yeete eene woo nimant hat fer tëm helfe. 13 Tee woo palt xtërpe teet, hot mich keseechent; Un ich hon tas hërts fon te witfraa froo kemacht. 14 Ich hon ti kerechtichkheet wii mayn tsaych aan ketsoo; Mayn ufrichtichkheet waar wii een mantel un een turpant. 24 Wii ich tii fraayntlich kekukt hon, khonte se es neekst net klaape; Tas licht fon mayn kesicht hot tii peruycht.