Psalme

51 Tsaych mich kefale, oo Kot, tëm noo tayn leaale liip. Tëm noo tayn kroos parmhërtslichkheet, tuust tuut mayne sinte aus wixe. 2 Tuu mich kans fon mayn feeler wexe Un mach mich fon mayn sint phuer. 3 Wayl ich khëne kenau mayn aychne feeler, Un mayn sint is imer foer mich. 5 In woerheet, sin ich xon xultich kepoer, Un ich sin een sinter tsayt ich in te muterlayp waar. 6 Ich wees tas tuu tich frayst wëns woerheet im hërts fon een mënx kept; Tuu fer mayn inerlich persoon ti woere kluucheet in lërne. 9 Kuk wech fon mayne sinte Un tuu mayn kanse feeler aus wixe. 10 Mach in mich een phuer hërts, oo Kot, Un tuu in mich een naye un fest kayst. 11 Tuu mich net fon tayn presens faart xike; Un hool net tayn hayliche kayst fon mich wech. 12 Kep mich ti frayt fon tayn retung tsurik; Ferxtërk in mich te wunx fer tich aan heere. 17 Ti opfere woo Kot kefale sin een ferprochne kayst; Een ferprochne un fertriktne hërts, oo Kot, tuust tuu net im xtich lose.