Aphostele sayn Kexicht

12 Un noch: nimant aneres khan uns rete, wayl es kept khee aner naame unichm himel woo mer khene retung fine.” 13 Wii se Pheeter un Yoohan sayn koraaj kesiin hon, un kemërkt tas se keweenliche mënxe, oone xuul waare, hon se sich ferxrok. Un tii hon kemërkt tas se mit Yeesus kewees waare. 19 Awer Pheeter un Yoohan hon tëne keantwort: “Richt teyer selepst, eps foer Kot sayn aue richtich weyer aych aan se heere xtats Kot. 20 Awer meyer khene net noo lose se xpreche iwer was mer kesiin un keheert hon.” 24 Wii se tas keheert hon, hon se mitsamer tsu Kot kepeet am saan: (...) 29 Un yets, Yeehoowa, kep acht tsu tëne sayn xlechte wërter keeche uns un helf tayn sklaawe tayn wort mit kans koraaj wayter xpreche; 31 Noo se tiise hërtslich kepeet kemacht hon, hot tas plats woo se waare aan kefang se xutere, un al sin fol hayliche kayst kep un hon aan kefang Kot sayn wort mit koraaj aus xpreche.