Psalme
37 Playp net pees weeche ti xlechte Un xpiir aach khee nayt fon tii woo xaate mache. 2 Tii tuun xnel trokne soo wii tas kraas Un tuun weliche soo wii tas kriines un friixes kraas. 3 Trau uf Yeehoowa un mach was kuut is; Woon uf te eyert un mach was troy is. 4 Fin in Yeehoowa ti kreest frayt, Un tee tuut ti winxe fon tayn hërts erfiile. 5 Fertrau tayn weech tsu Yeehoowa; Trau uf tëm un tee tuut tich helfe. 6 Eyer macht tas sayn ufrichtichkheet soo xayne tuut wii te foertach, Un sayn kerechtichkheet soo wii ti sun fon mitaach. 7 Playp ruych foer Yeehoowa Un waart ketultich uf tëm. Tuu tich net ëriche weeche te man Woos kuut keet in sayn xlechte pleen. 8 Los ti peesheet un los ti wuut im xtich. Tuu tich net ëriche un fang net aan tas xlechtes se mache. 9 Wayl ti xlechte wëre fernicht, Awer, tii woo uf Yeehoowa hofe, kriin ti eyert. 10 In khorts tsayt, tuun ti xlechte net mee eksistiire; Tuu kukst hin woo se waare, Un tii sin net mee tat. 11 Awer ti tsaame tuun ti eyert kriin Un tii tuun sich mechtich fraye im iwer kroos friit. 18 Yeehoowa wees was ti unxultiche im leepe mit mache, Un tëne sayn ërpxaft tuut fer imer hale. 19 Torich triip tsayte, wëre se net ferxeemt sin; Wëns hunernoot kept, tuun se fiil ese hon. 22 Tii woo fon tem keseechent were kriin ti eyert, awer tii woo fon tem ferfluucht were, kepe fernicht 23 Wën Yeehoowa kefalt sich mit een mënx sayn weech, Tuut Eyer sayn xrite lenke. 24 Soo kaar wën eyer falt, tuut eyer net ufm pootem keleet plaype, Wayl Yeehoowa halt sayn hant fest. 25 Ich waar yung un yets sin ich alt, awer ich hon nii kesiin een kerecht im xtich kelos un aach net sayn khiner proot am suuche. 28 Wayl Yeehoowa liipt ti kerechtichkheet, Un tee lost net im xtich tii woo leaal tsu tëm sin. Tii wëre imer kexitst; Awer ti xlëchte sayn nookhomer wëre fernicht. 29 Ti kerechte tuun ti eyert kriin, Un tuun fer imer too truf woone. 34 Sëts tayn hofnung uf Yeehoowa, un kee uf sayn weech, Un ëyer tuut tich heecher xtële, tas tuu tii ëyert pesëtst. Wën ëyer ti xlëchte fernicht, tuust tuu tas siin. 39 Ti retung fon te kerechte khomt fon Yeehoowa; Tee is tëne sayn sicher plats in xweyere tsayte.