Psalme

145 Ich tuun tich loope, oo mayn Kot un Kheenich; Ich tuun tayn naame fer ti kans eewichkheet loope. 2 Ich loope tich te kanse taach; Ich loope tayn naame fer imer! 5 Tii tuun iwer tayn wunerlich un kheenichlich hërlichkheet xpreche, Un ich tuun iwer tayne wunerliche aarwayte noo tenke. 9 Yeehoowa is kuut mit ale kaar, Un ma khan sayn parmhërtslichkheet siin in ale sayn aarwayte. 10 Ale tayn kanse kriatsyoone wëre tich loope, oh Yeehoowa, Un tii woo troy tsu tich sin loope tich. 11 Tii tuun ti hërlichkheet fon tayn raych pekhant mache, un tuun iwer tayn macht xpreche, 12 Fer ti layt tayn mechtich aarwayt un ti hërlichkheet fon tayn rechiirung se tsayche. 13 Tayn rechiirung is een eewich rechiirung, un tayn rechiirung tuut torich ale xeneratsyoone hale. 14 Yeehoowa helft ale tii woo am fale sin Un heept uf ale tii woo krum sin. 15 Ale aue tuun mit hofnung xtaa noom tich kuke; Tuu kepts tëne iire esmitel in te richtich tsayt. 16 Tuu machst tayn hant uf Un erfiilst te wunx fon ales was lepeentich is. 17 Yeehoowa is kerecht in ale sayn weeche Un leaal in ales was eyer macht. 18 Yeehoowa is ticht pay ale woo tëm aan ruufe, Pay ale woo tëm in woerheet aan ruufe. 19 Eyer erfiilt ti winxe fon tëne woo tëm tiif respektiire; Tee heert wën se tëm ruufe fer hilef kriin un tuut se rete.