Isayas
14 Wayl Yeehoowa wërt parmhërtslich mit Yaakop sin, un tuut Israël noch mool wii sayn folk raus suuche. Eyer tuut tëne in sayn lant fest xtele, un ti auslënter layt tuun sich mit tëne fersamele un wëre teel fon Yaakop sayn haus sin. 2 Un folke tuun ti israeliiter tsurik tsu sayn plats nëme, un in Yeehoowa sayn lant, wëre se tiiner un tiinerine fon Israël sayn haus sin. Ti israeliiter tuun tsu kefangne mache tii woo tëne wii kefangne kehal hon, un tuun hërxe iwer tii woo tëne ketswung hon se xafe. 13 Tuu host in tayn hërts kesaat: ‘Ich tuun tsum himel hin khome. Ich tuun mayn troon heecher wii Kot sayn xtërne xtele Un tuun mich ufm fersamlungs përich setse, Uf te wayteste pletse fom nort. 14 Ich tuun iwer ti wolke hin khome; Ich wëre eenlich wii te Ale Heechste sin.’ 15 Awer es is im Kraap woos tuu hin kexmist wërst, In te tiifste pletse fom kraap. 22 “Ich tuun mich keeche tii uf xtele”, saat Yeehoowa fon te militeer. “Un ich tuun Papiloon sayn naame, ti rest fon sayn layt, sayn nookhomer un sayn apxtamung wech xafe”, saat Yeehoowa. 23 “Un ich tuun fon Papiloon een plats fon xtachel xwayne un een sump rechyoon mache, un se wech kheere mit tëm peesem fon te fernichtung”, saat Yeehoowa fon te militeer. 24 Yeehoowa fon te militeer hat es ferxproch: “Soo wii ich tas kepleent hon, soo tuut es pasiire, Un was ich ëntxlos hon, tuut sich erfiile. 25 Ich tuun te asiiryer in mayn lant ferpreche, Un tuun tëm uf mayn përiche niter treete. Sayn yoch wërt fon mayn folk wech kehool, Un sayn last wërt fon tëne sayn xilere wech kexaft.”