Koloser
2 Halt ayre ketanke uf tas was oowe is, net uf tas was uf te Eyert is. 5 Macht aach toot ti kliite fon ayre khërper woo se tuun hon mit seksuaal imoraliteet, unraynheet, seksuaale luste ausm kontrol, xlechte winxe un kiirichkheet, woo itolatrii is. 6 Es is weeche tiise tinge woo Kot sayn wuut khomt. 7 Tëyer hot aach soo aan kextëlt, wii tëyer in te ferkanke tsayt, tiise aat fom leepe hat. 8 Awer yets, mist teyer al tiise tinge im xtich lose: ti wuut, ti peesheet, ti xlechtichkheet, wërter woo ti aner pelaytiche; un trekich kexpreech woo net aanxtëntich is, fon ayre munt wech tuun. 9 Tuut net eene fer ti anere liie. Teyer solt ti alt personaliteet un sayn kewoonheete aus tuun, 10 un ti nay personaliteet aan tsiie, woo torich ti kenau khëntnis nay kemacht wërt noo tëm pilt fon Tëm woo se kemacht hot; 11 in tiise situatsyoon, is een tuun op mer kreeker orer yuute sin, pexnite orer unpexnite, auslënter orer siter, sklaawe orer fray, awer Kristus is ales un in ale. 12 Tes weeche, wii rauskesuuchtne fon Kot, hayliche un keliipte, tsiit aych aan mit liiplich mitlayt, fraayntlichkheet, teemuut, tsaamheet un ketult. 13 Tuut aych wayter naner aus hale un krooshërtslich fertsaye, soo kaar wën yemant uersache hot fer sich keeche een aner peklaae. Yeehoowa hot aych krooshërtslich fertsayt un teyer solt tas selwiche mache. 14 Awer, mee wii tas ales, tuut aych mit liip aan tsiie, wayl ti liip is ti perfekt aat fer ti eenichkheet samer hale. 15 Un aach, tas Kristus sayn friit in ayer hërts rechiire tuut, wayl teyer fer tiise friit, in ploos eene khërper, keruuft kep waart. Un tsaycht aych petanklich. 16 Lost Kristus sayn wort raychlich mit ale kluucheet in aych woone. Tuut wayter eene te anere in lërne un uf muute mit psalme, Kot loope un kaystliche liiter singe mit petanklichkheet. Tuut wayter singe fer Yeehoowa in ayre hërtse. 18 Teyer fraae, sayt liiplich mit ayer mëner, soo wiis xiklich is im Hër. 19 Teyer mëner, tuut wayter ayer fraa liipe un kept net piterlich pees keeche tii. 20 Teyer khiner, heert ayre eltere in ales aan, wayl tas kefalt tëm Hër. 21 Teyer feter, tuut ayre khiner net ayere, tas se net te muut ferliire tuun. 23 Een tuun was teyer macht, tuut mit ayre kans seel too traan xafe, wii wën es fer Yeehoowa un net fer ti mëner weyer, 24 wayl teyer wist tas es is fon Yeehoowa woo teyer ti ërpxaft wii peloonung kriin tuut. Xaft wii sklaawe fer te Hër, Kristus.