Isayas

35 Te tesërt un tas trokne lant fraye sich, un ti fertrokent epnung wërt froo sin un pliie wii te asafran. 2 Tii wërt sicher pliie; Wërt froo sin un fon frayt yukse. Ti hërlichkheet fom Liipanon wërt iir kep, Un aach ti xeenheet fom Karmëlo un fon Saron. Ti layt wëre siin Yeehoowa sayn hërlichkheet, ti eere fon unser Kot. 3 Tuut ti xwache hënt ferxtërke (...) 4 Saat fer tii woo een ëngstlich hërts hon: (...) 5 In tiise tsayt tuun ti aue fon te pliinte uf keen, Un ti oore fon te taape wëre uf kemacht. 6 In tiise tsayt tuun ti laame wii een ree hupse, Un ti tsung fon tëne woo net xpreche khene, tuut yukse. Wayl im tesërt tuun tan fiil waser fom pootem aus prëche, Un waser xtreeme tuun im tesërt laafe. 8 Un tat tuuts een xtroos kepe, Yaa, een weech woo Weech fon Haylichkheet kenënt wërt. Te unrayn tuut tat net torich keen. Tas is ploos fer tee woo in tëm weech laaft; Khee thopat tuut tat rom laafe. 9 Tat kept kheen leep, un khee pees wilte tier tuut tat hin khome. Tii wëre tat net kefun sin. Ploos ti tsurik kekhaafte tuun tat truf laafe.