Isayas

40 “Treest, yaa, treest mayn folek”, saat ayre Kot. 3 Een xtim ruuft im tesërt: “Perayt te weech fer Yeehoowa foer! Macht fer unser Kot een richt xtroos im tesërt. 4 Yeete taal sol klayche kemacht wëre, Ti kanse përiche un hiwele sole klayche kemacht wëre. Tas krunt xtik woo net klayche is, wërt klayche kemacht; Un tas krunt xtik woo net eepe is, wërt eepe kemacht. 5 Yeehoowa sayn hërlichkheet wërt ketsaycht, Un al tuun tas siin, Wayl Yeehoowa sayn munt hot tas kesaat.” 8 Tas kraas tuut trokne. Ti pluum tuut weeliche. Awer tas wort fon unser Kot playpt fer imer.” 10 Kukt! Te Soweraan Hër Yeehoowa tuut mit macht khome, (...) 11 Wii een xeefer, tuut eyer sayn trop xeef uf phase. Mit sayn aarm, tuut eyer ti leeme samele Un tuut se ticht aan sayn prust hale. Mit liip, tuut eyer lenke ti xeef woo milich fer sayn yunge kepe. 22 Es kept Yemant woo iwer ti eyert khuuchel* woont, Un tii woo tat woone sin wii hayxreke. 26 “Heept ti aue tsum himel un kukt. Weer hot tas ales kemacht? Es waar Tee woo tii wii een militeer raus pringt un se tseelt. Tee tuut se al noom naame ruufe. Weeche tëm sayn aarich kroose kraft un sayn wunerlich macht, Khee eensiche fon tëne feelt. 27 Warom saast tuu, oo Yaakop, un warom xprechst tuu, oo Israël: ‘Mayn weech is fon Yeehoowa ferxtekelt, Un Kot pringt khee kerechtichkheet fer mich’? 28 Meechst tuu tas net wise? Host tuu tas net keheert? Yeehoowa, te Kriatoer fon te wayteste pletse fon te eyert, is Kot fer ti kans eewichkheet. Tee wërt nii miit un sayn kraft wërt nii al. Ma khan sayn ferxtëntnis kaar net ferxteen. 29 Eyer kept kraft fer tee woo miit is Un lost fol enerxii tee woo khee kraft mee hot. 30 Soo kaar ti yunge wëre miit un ferliire ti kraft, un yunge mëner xtolpere un fale, 31 Awer tii woo uf Yeehoowa hofe, kriin wiiter kraft. Tii tuun hooch wii ti atler fliie. Tii tuun xpringe un ferliire net ti kraft; tii tuun laafe un wëre net miit.”