2te Korinter

7 Yeete eene sol mache was eyer in sayn hërts pexlos hot, net keeche sayn wile orer ketswung, wayl Kot liipt weer mit frooheet kept. 11 In ales wërt iir raych kemacht fer in yeete aat kuuthërtslich sin, was torich uns, petanklichkheet tsu Kot pringt. 12 Wayl ti aarwayt woo iir macht tuut net ploos ti neetichkheete fon ti hayliche fersoriche, awer aach raychlich petanklich tsu Kot sin. 13 Tii tuun Kot ferhërliche, wayl ti hilef aarwayt pewayst tas iir aych unich halt fon ti kuute notisye iwich Kristus, soo wii iir tas puuplix kexproch hot, un tas iir krooshërtslich sayt in ayre kontripuytsyoone fer tii un ale anere. 14 Torich tii sayn aan hale fer aych, tsayche se tas se aych liipe weeche Kot sayn meechtich kroos unfertiint kuutheet tsu aych. 15 Sayt petanklich tsu Kot weeche Sayn unpexripne fray kexënk.