1te Korinter

16 Wën ich ti kuute notisye preetiche, sol ich mich net too teweeche proose, wayl tas is mayn flicht. Yaa, xaat fon mich wën ich ti kuute notisye net preetiche teet! 17 Wën ich tas fraywilich mache, kriin ich een peloonung. Awer soo kaar wën ich tas keeche mayn wile mache, tas is noch ti flicht woo mich iwer kep is. 19 Tan, opwool ich fon ale mënxe fray sin, hon ich mich sklaaw kemacht tsu ale, tas ich soo fiil wii meechlich layt kewine. 20 Fer ti yuute, sin ich een yuute kep, fer ti yuute kriin. Fer tii woo unich tas kesetst sin, sin ich yemant kep woo unich tas kesets is (opwool ich selepst net unich tas kesets sin), fer tii woo unich tas kesets sin, kriin. 21 Fer tii woo oone kesets sin, sin ich yemant oone kesets kep (opwool ich net oone tas kesets foer Kot sin, awer ich sin unich tas kesets foer Kristus), fer tii woo oone kesets sin, kriin. 22 Fer ti xwache, hon ich mich xwach kemacht, fer ti xwache kriin. Ich sin ales kep fer ale sorte layt fer, in ale meechliche aate, etliche rete. 23 Awer ich tuun ales mache weeche ti kuute notisye, tas ich se mit te anere teele khan. 25 Al tii woo in een kompetitsyoon mit xpringe, tuun selepst kontrol in ales tsayche. Sicher, tii mache tas fer een kroon woo ferkeet kriin, awer meyer, fer eene woo net ferkeet kriin. 26 Tan, tuun ich net oone tsiil xpringe orer khëmpfe wii wën ich ti luft haue teet. 27 Awer, ich tuun mayn aychne khërper haue un mache tëm mayn sklaaw, tas ich net ti tsuxtimung ferliire noo tas ich fer ti anere kepreeticht hon.