2te Timoteus

4 Ich tuun tich ërnst aan reete foer Kot un Yeesus Kristus, woo tuut ti lepentiche un ti toote richte wën eyer tsum foer xaynt khomt un wën eyer wii kheenich fom Raych rechiirt: 2 Tuu tas wort preetiche, mach tas oone tsayt se ferliire, in kuute un in xweyere tsayte. Tuu tsu recht wayse, xtark aan saan un ërnst aan reete mit ale ketult un kexik wëns tuu in lërnst. 3 Es khomt een tsayt wën ti layt ti kesunte inlërnunge net aan nëme tuun; xtats tas, tuun se sayn aychne winxe noo keen un leerer um sich rom xtele woo khitsle in sayn oore mache. 4 Tii tuun sayn oore fon te woerheet ap lënke un acht fer falxe kexichte kepe. 5 Awer tuu, say ferninftich in ales, hal ti xwiirichkheete aus, mach te tiinst fon een preeticher, tuu tayn tiinst aarwayt kuut mache. 6 Wayl ich wëre xon wii een ketrenk opfer aus kexut, un mayn pefrayungs xtun is ticht. 7 Ich hon te kuute khampf kekhëmpft, tas xpringe aans ën kexprung un mich im klaape kehal. 8 Fon yets aan faart, keheert mich ti kroon fon kerechtichkheet, woo te Hër, te kerechte richter, meer in tëm taach wii een peloonung kept; un net ploos fer mich, awer aach fer al woo sayn manifestatsyoon waarte tuun. 9 Mach was meechlich is fer mich klaych pesuuche. 11 Ploos Lukas is mit mich. Pring Markus mit tich, wayl eyer nutslich in te tiinst fer mich is. 17 Awer te hër is uf mayn sayt keplip un hot mich ferxtërkt, tas torich mich, ti preetich aarwayt komplët kemacht kept, un tas ti kanse natsyoone se heere teete; un ich sin fon leep sayn maul pefrayt kep. 18 Te Hër tuut mich fon ale xlëchtichkheet fray mache un tuut mich fer sayn himlixe Raych rëte. Fer tee sol ti hërlichkheet fer imer këp wëre. Amen. 22 Te Hër sol mim kayst sin woos tuu tsaychst. Sayn unfertiint kuutheet sol mit aych sin.