Matheus

6 (…) Soo, weeche ayre tratitsyoone, macht teyer tas Kot sayn wort niks kilt. 7 Ferxteltner! Isayas hat recht wii eyer iwer aych profetisiirt hot: 8 ’Tiise folek tuut mich eere mit ti lipe, awer iire hërts is wayt wech fon mich. 9 Iire aanpeetung hot fer mich khee weyert, wayl iire inlërnunge xtaype sich uf mënxe reekele.’” 12 Too sin ti tisipele tichter khom un hon tëm kesaat: “Tuu weest tas ti fariseer kextolpert sin mit was tuu kesaat host, kël?” 13 Tee hot tëne keantwort: “Yeete plants woo mayn himlixe Fater net keplantst hot, wërt aus keroopt. 14 Lost se. Tii sin plinte fiirer. Un wën eene plinte man een aner plinte man fiirt, fale ti tswaay in een loch.” 18 Awer ales was fom munt raus khomt, khomt fom hërts; un soo sorte tinge mache een mënx unrayn. 19 Tsum payxpiil, fom hërts khome xlechte ketanke: umpringeray, atultëryo, seksuaal imoraaliteet, xteeleray, falxe tsaye un ferfluuchung. 20 Tas sin ti tinge woo te mënx unrayn lose; awer etwas ese oone ti hënt wexe, lost te mënx net unrayn.” 21 Yeesus is tsu ti rechyoon fon Tiro un Siiton kang. 22 Un een finiisix fraa woo tat rom keleept hot, is tichter khom un hot kexraayt: “Hër, soon fon Tawi, say mitlaytich mit mich! Mayn tochter hot een temoon in sich trin un tee tuut se krop xtroofe.” 23 Awer eyer hot niks keantwort. Soo, sayn tisipele sin khom un hon tëm ferlangt: “Xik se fat, wayl tii xraayt ti kans tsayt hinich uns.” 24 Tee hot keantwort: “Ich sin ploos tsu te ferloerne xeef fon Israël sayn haus kexikt kep.” 25 Awer ti fraa is khom un hot sich foer tëm kepikt, un kesaat: “Hër, helef mich!” 26 Eyer hot tan keantwort: “Es is net richtich tas proot fon te khiner wëch hoole un fer ti huntche xmayse.” 27 Tii saat: “Yaa, Hër, awer in woerheet ti huntche frese ti krimle woo fom tix fon sayn hëre fale.” 28 Yeesus hot keantwort: “Oo fraa, wii kroos is tayn klaape! Tas es mit tich pasiirt soo wiis tuu winxt.” Un fon tiise tsayt aan, is sayn meetche keheelt kep. 30 Tan sin fiil layt pay iim khom. Tii hon laame, ferkripelte, pliinte, tii woo net xpreche khonte un fiil anere kepracht, un aan sayn fiis keleet, un eyer hot tii keheelt. 31 Soo, hon ti layt sich ferwunert wën se kesiin hon tas tii woo net xpreche khonte, hon aan kefang se xpreche, un ti ferkripelte keheelt, un ti laame khonte laafe un ti pliinte siin, tan hon se Kot fon Israel keloopt. 36 eyer hot siwe proot un ti fix kehool, un, tëm noo wii eyer ketankt hot, hot eyer ti keproch un aan kefang fer sayn tisipele kepe, un ti tisipele hon se fer tas folek aus keteelt.