Apokalipsis

21 Ich hon een naye himel un een nay eyert kesiin, wayl te ferkangne himel un ti ferkangne eyert sin rom kang, un tas meer tuut xon net mee eksistiire. 2 Ich hon aach ti haylich xtat kesiin — ti Nay Yeruusalem — fom himel runer keen, yaa, fon Kot heyer. Un tii waar fërtich kewees soo wii een praut woo fer sayn man in kericht is. 3 Tan hon ich een hart xtim keheert, fom troon heyer saan: “Kuk! Kot sayn woonung is pay te mënxe; eyer tuut mit tëne woone un tii wëre sayn folek. Kot selepst wërt pay tëne sin. 4 Tee tuut yeete treene fon tëne sayn aue ap trokne, un es kept kheen toot mee, kheen traurichkheet, kheen krayxe un kheen phayn. Ti friirixe tinge sin xon rom kang.” 5 Un tee, woo uf tëm troon kesitst waar, hot kesaat: “Kuk! Ich sin ale tinge nay am mache.” Tee hot aach kesaat: “Xrayp, wayl tiise wërter sin troy un woer.” 6 Un tee hot mich kesaat: “Tii hon sich erfiilt! Ich sin te Alfa un te Oomeka, te aanfang un tas ën. Fer yeete eene woo torst hot, kepe ich kratis fom waser kwel fom leepe. 14 Ti mauer fon te xtat hat aach 12 funtamente xteen, un iwich tëne waare ti naame fon te 12 aphostele fom Lam. 22 Ich hon khee thempel in te xtat kesiin, wayl Yeehoowa Kot, te Ale mechtiche, is sayn thempel, soo wii aach te Lam. 23 Ti xtat praucht net ti sun un aach net te moont fer iwer tii xayne, wayl Kot sayn hërlichkheet lost se hel; un tëne sayn lamp is te Lam. 24 Ti natsyoone tuun in sayn licht keen un ti kheeniche fon te eyert tuun sayn hërlichkheet fer tëne hin pringe.