Apokalipsis

1 Rewelatsyoon fon Yeesus Kristus, woo Kot tëm kep hot, fer se tsayche fer tëm sayn sklaawe ti tinge woo hatich pasiire tuun. Tee hot sayn engel kexikt, un torich tëm, hot eyer ti rewelatsyoon torich sinaale fer sayn sklaaw, Yoohan, foer kextelt, 2 woo tsaye kep hot fon tëm wort woo Kot kep hot un fon te tsaye woo Yeesus kep hot, yaa, fon ales was er kesiin hot. 3 Froo is tee woo in hart xtim leest un tii woo ti wërter fon tiise profetsii heere un foliche tuun, wayl ti pextimt tsayt is ticht. 4 Yoohan, fer ti siwe kemaynte woo in te prowins fon Asia sin: Tas tëyer unfertiint kuutheet un friit hot fon “Tëm woo is, woo waar un woo khomt”, fon te siwe kayste woo foer sayn troon sin 5 un fon Yeesus Kristus, “te Troye Tsayer”, “te eyerste woo fom toot uf keruuft kep is” un “te Rechiirente fon te kheeniche fon te eyert”. Tee woo uns liipt un woo uns fon unsere sinte, torich sayn aychne pluut, fray kemacht hot 6 — un hot fon uns een raych kemacht, priister fer sayn Kot un Fater — yaa, fer tëm wërt ti hërlichkheet un macht fer imer kep. Amen. 7 Kukt! Tee tuut mit wolke khome, un yeete au tuut tas siin, aach tii woo tee torich kextoch hon; un yeete xtam fon te Ëyert tuut mit tiif traurichkheet uf iire prust klope, weeche tëm. Yaa, amen. 8 “Ich sin te Alfa un te Oomeka”, saat Yeehoowa Kot, “tee woo is, woo waar un woo khomt, te Ale Mechtiche”. 9 Ich, Yoohan, ayre pruuter un fraaynt in xwiirichkheet, in raych un in te persewerans in eenichkheet mit Yeesus, waar in te insel woo Patmos heest, wayl ich hon iwer Kot kexproch un hon tsaye iwer Yeesus kep. 10 Torich inspiratsyoon, waar ich in tëm taach fom Hër, un hon ich een xtark xtim hiner mich keheert, eenlich mit tëm thoon fon een trompeet, 11 woo kesaat hot: “Was tuu siist, xraypt tas in een rol un tuu tas fer tiise siwe kemaynte xike: Ëfeso, Esmirna, Përkamo, Tiatira, Saartes, Filatëlfya un Laotisëya.” 20 Tas is tas hayliche kehaymnis fon te siwe xtërne woos tuu in mayn rechts hant kesiin host, un fon te siwe khërtse xtënte fon kolt: ti siwe xtërne tuun ti ëngele fon te siwe kemaynte petayte, un ti siwe khërtse xtëntele tuun ti siwe kemaynte petayte.