1te Korinter

2 Un was fon te atministratoore kewaart wërt, is tas se troy sin sole. 4 Mayn kewise is sauwer. Awer es pewayst net tas ich kerecht sin. Weer mich richte tuut is Yeehoowa. 6 Priiter, ich hon tas ales fer mich selepst un Apolos aan kewënt wayl ich wolt nutse fer aych pringe. Teyer solt torich unser payxpiil lërne: “Keet net iwer ti tinge woo kexrip sin.” Wën net, khent teyer hoochmuutich wëre un aan fange yemant pay xteen un te aner niter xtele. 7 Wayl, was macht es tas tuu peser wii ti anere wërst? In woerheet, was host tuu woos tuu net kriit host? Soo, wëns tuu ales kriit host, warom proost tuu tich wii wëns tuu es net kriit hëst? 9 Wayl fer mich tas siit aus tas Kot uns, ti aphostele, tsum lëtst foer kextëlt hot, wii mëner woo tsum toot konteniirt sin, wayl mëyer sin een kroos foerxtëlung këp fer ti wëlt, fer ti ëngele un fer ti mënxe. 10 Meyer sin tum weeche Kristus, awer teyer sayt foersichtich in eenichkheet mit Kristus; meyer sin xwach, awer teyer sayt xtark; teyer sayt keert, awer meyer sin oone eere. 11 Pis yets hon mer hunger un toxt mit kemacht, hon net kenuuch tsaych, sin mer ferhau kep, hon khee plats fer se woone, 12 Un meyer xafe flaysich mit unser aychne hënt. Wën mer pelayticht wëre, tuun mer seechne; wën mer keyacht wëre, tuun mer tas mit ketult aus hale; 13 wën se liieray keeche uns saan, tuun mer mit tsaamheet antworte; meyer sin wii tas xlechte tings fon te welt kep, wii tas xlechte tings fon ale tinge, pis yets. 16 Tan, ich muute aych uf: macht mich noo. 17 Tes weeche, xike ich aych Timoteus, wayl eyer mayn keliipte un troye soon im Hër is. Eyer tuut aych erinere ti aat woo ich ti tinge mache, woo ferpunt is mit Yeesus Kristus, soo wii ich iweraal un in ale kemaynte in lërne.