Apokalipsis

2 “Tuu fer te ëngel fon Ëfeso kemaynt xraype: Tas is was tee woo ti siwe xtërne in sayn rechts hant halt, un woo tswixich ti khërtse xtënte fon kolt keet, saat: 2 ‘Ich khëne tayne aktsioone, tayn flaysich aarwayt un tayn persewerans, un ich wees tas tuu net xlechte mëner aan nëmst un tas tuu in proop kextelt host tii woo saan tas se aphostele sin, awer woo sin net, un host raus kefun tas se lichner sin. 3 Tuu pist am aus hale, un host fiile tinge weeche mayn naame kephakt, un tuu pist net miit kep. 4 Awer, ich hon tas too keeche tich: tuu host ti liip woos tuu am aanfang hast, ferloer. 7 Weer heere khan, tuut acht kepe fer was te kayst fer ti kemaynte saat: Fer tee woo kewine tuut, los ich fon tëm paam fom leepe ese, woo in Kot sayn paratiis is.’ 10 Tuu khee pang hon fon te tinge woos tuu noch mit mache tuust. Te Taywel tuut noch wayter etliche fon aych in te katee xmayse, tas iir kans keproopt wërt, un teyer tuut torich tseen taache xwiirichkheete mit mache. Playp troy pis te toot, un ich tuun tich ti kroon fom leepe kepe. 13 Ich wees woos tuu woonst, tas is, woo Satanaas sayn troon is. Awer tuu halst tich wayter aan mayne naame un host net ap kesaat tayne klaape aan mich, soo kaar net in ti taache fon Antipas, mayne troye tsayer, woo um kepracht is woer neewe aych, woo Satanaas am woone is. 19 Ich khëne tayn aktsyoone, tayne liip, tayne klaape, tayn tiinst un tayn persewerans, un ich wees tas tuu yets mee machst wii friier. 20 Awer ich hon tas keeche tich: tuu tuust tiise fraa Yesapël aan nëme. Tii nënt sich profeetin; tii tuut mayne sklaawe hinerkeen un ap lenke, tas se seksuaal imoraaliteet praktisiire un tinge ese woo fer ti itole keopfert woer sin. 21 Ich hon tëne tsayt kep fer sich peroye, awer tii wil sich net fon sayn seksuaal imoraaliteet peroye. 24 (…) “Satanaas sayn tiife tinge” (…) 25 Awer, pis ich khome, halt aych fest aan was teyer hot. 26 Un, fer tee woo kewiine tuut un sich aan mayne weeche pis aans ën halt, kepe ich autoriteet iwer ti natsyoone, 27 soo wii ich autoriteet fon tëm Fater kriit hon. Un tee tuut ti layt rechiire mit een ayse xtok, un tii wëre fernicht soo wii leetkruuche woo in xtike kemacht sin.