Psalme

103 Loop Yeehoowa, oo mayn seel; Ales was ich sin sol sayn haylich naame loope. 2 Loop Yeehoowa, oo mayn seel; Ich wil nii ferkese fon ales was tee kemacht hot. 3 Tee fertsayt tayn kanse feeler Un heelt tayn kanse krankheete; 5 Tee lost tich mit kuut tings iwer tayn kans leepe tsufriite, soo tuut tayn yungheet sich, soo wii een aatler, nay mache. 7 Ëyer hot sayne weeche fer Mooses pekhant kemacht, Ti tinge woo Ëyer kemacht hot, fer te khiner fon Israeel. 8 Yeehoowa is parmhërtslich un mitlaytich, Ketultich un fol leaale liip. 9 Eyer tuut net fer imer noo unser feele kuke, Un playpt net fer imer pees. 10 Eyer tuut net mit uns um keen tëm noo unsere sinte, un petsaalt net tsurik was meyer fer unsere feeler fertiine. 11 Wayl, soo hooch wii te himel uf te eyert is, Soo kroos is sayn leaale liip fer tii woo tëm tiif respektiire. 12 Soo wayt wii ti sun sayn ufkang fon te sun sayn unerkang is, Soo wayt hot eyer unser feeler fon uns wech ketuun. 13 Soo wii een fater tsu sayne soone parmhërtslich is, Soo is Yeehoowa parmhërtslich mit tëne woo tëm tiif respektiire. 14 Wayl eyer wees kenau wii meyer kemacht kep sin, Eyer erinert sich tas meyer xtaap sin. 17 Awer, fer tii woo tëm tiif respektiire, Halt Yeehoowa sayn leaale liip fer ti kans eewichkheet, (…) 20 Loopt Yeehoowa, ale Sayn engele, woo xtark un mechtich sayt, Woo macht was Tee saat un woo Tëm sayn kepoote aan heert.