1te Timoteus

3 Khan ma uf tiise oryentiirung traue: wën eene man sich aan xtrengt fer superintentent sin, tuut eyer een kuut aarwayt winxe. 2 Tes weeche, sol te superintentent unxultich sin, man fon ploos een fraa, moos in sayn kewoonheete hon, ferninftich sin, kexayt sin, ti anere kuut aan nëme, kwalifitsiirt sin fer in se lërne. 3 Tee sol khee sifer sin, aach net wyolënt, xtreng orer tsënkich sin. Tee sol net tas kelt liipe. 4 Tee sol sayn familye kuut fiire, un sayn khiner sole tëm sayn autoriteet tiif respektiire. 5 (Wayl wën een man net sayn aychne familye kuut fiire khan, wii khan eyer Kot sayn kemaynt uf phase?) 6 Tee sol net een man sin woo kraat een krist kep is, wën net, khent eyer hoochmuutich wëre un ti selwich xtroof kriin woo te Taywel kriit hot. 7 Un eyer sol aach een kuut tsaye fon te layt fon traus kriin, tas eyer net ti respekt fon te anere ferliirt un in een fal fom Taywel falt. 8 Kraat soo, sole ti ministeryaale tiiner ërnst sin un mëner woo sayn wort in hale. Tii sole net tsu fiil wayn trinke un sich aach net kiirich aan xtrenge fer uneerliche kelt fertiine. 9 Tii sole sich aan xtrenge fer sich in te haylich kehaymnis fom klaape hale mit een sauwer kewise. 10 Awer eyerst, sole se noo kekukt wëre op se kwalifitsiirt sin. Tan, wën se fray fon xult sin, sole se wii tiiner xafe. 11 Ti fraae mise aach ërnst sin, net ratxe, mise in iire kewoonheete kemeesich sin un in ales troy sin. 12 Ti ministeryaale tiiner sole mëner sin fon ploos een fraa un mise iire khiner un aychne familye kuut fiire. 13 Wayl ti mëner woo kuut tiine tuun, mache een kuute naame fer sich un khene mit kroos sicherheet iwer te klaape aan Yeesus Kristus xpreche. 15 (...) phayle un xtitsung fon te woerheet is.