Xpriiche

28 Ti xlechte tuun aus rayse soo kaar wën nimant tëne yachte tuut, Awer ti kerechte sin soo sicher wii een leep. 5 Ti xlechte khene net ti kerechtichkheet ferxteen, Awer tii woo Yeehoowa suuche, khene ales ferxteen. 6 Es is peser een aarme mënx woo ufm weech fon intekriteet keet Wii een rayche mënx woo uf korupte weeche keet. 9 Weer tas kesets net aan heere wil, soo kaar sayn kepeet is apxaylich. 13 Es keet net kuut fer tee woo sayn sinte ferxtekelt, Awer tee woo se pekhënt un im xtich lost, wërt parmhërtslich pehantelt. 14 Froo is te man woo imer wachsam is; Awer weer tikhopich is, tuut unklik layte. 20 Te troye man kriit fiil seechen, awer weer wil xnel raych wëre, tuut net unxultich plaype. 23 Weer een man korikiirt, wërt tsum xlus peser aan kesiin Wii tee woo sayn tsung penutst fer xmaychle. 26 Weer aan sayn aychne hërts klaapt is tum, awer weer in kluucheet keet, tuut fray wëre.