2te Korinter

8 Yets, priiter, meyer wole tas teyer wist iwer ti unfertiint kuutheet fon Kot, woo fer ti kemaynte fon Matsetoonya kep woer is. 2 Torich een kroos proop, opwool se ëngstlichkheet mit kemacht hon un aarich aarm waare, hon se hilef mit fiil frooheet kep. Tas hot ketsaycht tas se aarich krooshërtslich sin, 3 wayl tas was tii kemacht hon waar ales was se mache khonte, yaa, ich sin tsayer fon tëne, tas tii hon soo kaar mee kemacht wii se khonte. 4 Fon sayn aychne wile, hon se uns noo un noo ferlangt op se khente tas priwilëj hon fer ti anere mit kuutheet helfe, tas se in tëm hilef tiinst fer ti hayliche kriste mit helfe khente. 10 Un iwer tiise sache kepe ich mayn mënung: tas uf phase is kuut fer tich selepst, wayl tas kept xon een yoer woo teyer ti aarwayt net noore aan kefang hot, awer hot aach ketsaycht te wunx fer tas mache. 11 Awer yets, macht fërtich was teyer aan kefang hot, in een aat tas tayn foerperaytung fer etwas mache wërt fërtich noo tas was teyer hot. 12 Wayl, wën ti persoon wilich is, is tas kexenk kuut aan kenom — tëm noo was ti persoon hot, net tëm noo was ti persoon net hot. 13 Wayl ich wil es net laychter fer ti anere lose un xweyer fer aych lose; 14 awer, tas es ekiliipryum kept: tas was iir yets iwrich hot khan tëne iire neetichkheete fersoriche, un was se iwrich hon khan ayer neetichkheete fersoriche, un soo kepts ekiliipryum. 15 Soo wiis kexrip is: “Weer fiil hat, hat net tsu fiil, un weer weenich hat, hat net tsu weenich.” 20 Soo, meyer kepe khee uersach tas yemant uns akusiire khan, weeche tiise kroshërtslich kontripuytsyoon woo mer am uf phase sin. 21 Wayl ‘meyer tas ales eerlich uf phase, net ploos foer Yeehoowa sayn aue, awer aach foer ti mënxe sayn aue’. 24 Soo, pewayst ayer liip tsu tëne, (...)