1te Korinter

4 Es kept unerxiitliche kexenke, awer es kept te selwiche kayst; 5 un es kept unerxiitliche aate fer se tiine, toch es kept te selwiche Hër; 6 un es kept unerxiitliche aktiwiteete, toch es is te selwiche Kot woo ales macht in ale. 7 Awer ti aat wii te kayst tsaycht sich, is fer yeete eene kept mit eene nutsliche tswek. 8 Wayl fer eene, is tas wort fon kluucheet kep torich te kayst; fer aner, tas wort fon khëntnis, torich te selwiche kayst; 9 fer aner, te klaape, torich te selwiche kayst; fer aner, kexenke fer se heele, torich tiise eensiche kayst; 10 fer noch aner, kexenke fer wunere mache; fer aner, kexenke fer se profetisiire; fer aner, inspiriirte pexeete erkhëne; fer aner, unerxiitlixe xprooche xpreche; un fer aner, xprooche aus leye. 11 Awer tas ales is torich tas selwiche un eensiche kayst kemacht, woo tuut tas fer yeete eene aus teele, soo wii eyer wil. 12 Wayl, soo wii te khërper is ploos eens, awer fiile teele hot, un ale teele fon tiise khërper, opwool se fiil sin, sin ploos eene khërper, soo is aach te Kristus. 14 Wayl, wërklich, te khërper is nët ploos fon een teel kemacht, awer fon fiile. 15 Wën te fus saan teet: “Wayl ich net een hant sin, sin ich khee teel fom khërper”, es is net weeche tas, tas es noo lose teet een teel fom khërper sin. 16 Un, wën tas oer saan teet: “Wayl ich net een au sin, sin ich khee teel fom khërper”, es is net weeche tas, tas es noo lose teet een teel fom khërper sin. 17 Wën te kanse khërper een au wëyer, woo teet tas heere plaype? Wën tee een kans oer wëyer, woo teet tas riiche plaype? 19 Wën se al ploos een teel weere, woo wëyer te khërper? 20 Toch noch, sin fiile teele, awer ploos eene khërper. 21 Tas au khan net fer ti hant saan: “Ich prauche tich net”; un te khop khan net fer ti fiis saan: “Ich prauche aych net.” 22 In keeche teel, ti teele fom khërper woo xwëcher aus siin, sin nootwëntich. 23 Un ti teele fom khërper woo mëyer weenicher eere këpe, këpe mëyer kreesere eere; soo wëre unsere teele, woo nët soo xeen sin, mit mee aanxtant pehantelt. 24 Awer, unsere xeene teele prayche nët soo uf kephast wëre. Awer, Kot hot te khërper in soo een aat kemacht un hot kreeser eere këp fer tas teel woo mee praucht. 25 Tas khee apteelung im khërper kepe teet, awer tas ti teele sich eene mim anere khimere teete. 26 Wën een teel layte tuut, layte al ti anere mit tëm; wën een teel keërt wërt tuun al ti anere mit tëm sich fraye. 28 Un Kot hot ti layt in te kemaynt in tiise ray in kesetst: eyerst, ti aphostele; tsweet, ti profeete; triit, ti leerer; tan tii woo wunere mache; tii woo heele khene; tii woo xafe fer hilef kepe; tii woo ti apiliteet hon fer se fiire; tii woo unerxiitliche xprooche xpreche. 31 … awer ich tuun aych noch een pesere weech tsayche.