Tyako

7 Tes weeche, priiter, sayt ketultich pis te Hër sayn presens. Kuk wii te pauer tuut wayter te weyertlich frucht fom eyert mit ketult waarte, pis ti eyerste un ti letste reene khome. 8 Teyer aach, sayt ketultich; macht ayre hërts fest, wayl te Hër sayn presens is ticht. 10 Priiter, wën ma xprecht iwer xwiirichkheete mit mache un ketult tsayche, macht tas payxpiil fon te profeete noo, woo in Yeehoowa sayn naame kexproch hon. 11 Kukt mool! Fer uns, tii woo persewerans ketsaycht hon, sin froo. Teyer hot xon iwer Yoop sayn persewerans keheert un teyer hot kesiin was Yeehoowa tëm am ën kep hot; tan wist teyer xon tas Yeehoowa aarich liiplich un parmhërtslich is. 12 Un tas haupste, mayn priiter, lost noo juramënte mache — ekaal ep tas torich te himel, ti eyert, orer torich kwalkee aner tings is. Awer, wën teyer “yaa” saat, tas sol “yaa” petayte; un wën teyer “nee” saat, tas sol “nee” petayte. Soo, wërt teyer net kericht. 13 Is yemant tswixich aych am layte? Tas eyer wayter peete tuut. Is yemant froo? Tas eyer psalme singt. 14 Is yemant krank tswixich aych? Eyer sol ti elteste fon te kemaynt ruufe un tii sole fer tëm peete un eel iwer tëm in Yeehoowa sayn naame tuun. 15 Un tas kepeet woo mit klaape kemacht is, macht tas te kranke mënx kuut wërt, un Yeehoowa tuut tëm uf xtele. Un wën eyer een sint kemacht hot, wërt tas fertsayt. 16 Soo, fertseelt ufrichtich ayre sinte eene tsu te anere, un peet eene fer ti anere, tas teyer keheelt wërt. Tas eerliche kepeet fon tëm kerechte hot fiil kraft. 17 Eliias waar een man mit xpiirunge kraat soo wii meyer; awer wii tee mit kraft kepeet hot tas es net reene solt, hot tas uf tëm lant iwer 3 yoore un 6 moonate net kereent. 18 Soo, hot eyer noch mool kepeet, un te himel hot reen kep, un tas lant hot fruchte kep. 19 Mayn priiter, wën eene fon aych fon te woerheet ap kelenkt wërt un een aner tëm tsurik pringt, 20 solt teyer tas wise: tee woo een sintiche mënx fon sayn ferkheerte weech tsurik pringt, tuut tëm fom toot rete un fiile sinte