Aphostele sayn Kexicht

5 (…) Phaul hot sich kans traan kehal in te aarwayt fer tas wort preetiche. (…) 8 Awer Krispus, presitënt fon te sinakook, hot aan kefang aan tëm Hër se klaape, tepay mit ale fon sayn haus. Un fiile korinter woo tas wort keheert hate, hon aan kefang se klaape un sin ketaaft kep. 9 Un noch, te Hër saat fer Phaul in een wisyoon, in te nacht: “Prauchst khee pang hon, awer tuu wayter xpreche un net ruych plaype, 10 wayl ich mit teer sin un nimant tuut tich iwerfale un xlecht pehantele. Wayl fiile layt in tiise xtat keheere tsu mich.” 11 Soo, is eyer torich een un halp yoer tat keplip fer Kot sayn wort tswixich tëne in lërne. 14 Yeete samstaach (…) 24 In tiise tsayt, een yuute woo Apolos keheest hot, woo fon Aleksantria waar, is pis Ëfeso khom. Tee waar een kuute reetner, un hat fiil khëntnis iwer ti Xrifte kehat. 25 Te man waar in Yeehoowa sayn weech in kelërnt kep, un waar flaysich im kayst, hot kenau iwer Yeesus kexprooch un in kelërnt, awer waar ploos mit Yoohan sayn taaf pekhant. 26 Tee hot aan kefang mit koraaj in te sinakook xpreche; un wën Akila un Prisila tëm keheert hon, hon se tëm tsu sich kenom un tii hon tëm te weech fon Kot noch taytlicher aus keleet.