Lukas
10 Noo tas, te Hër hot noch 70 raus kesuucht un kexikt tsu tsweet, forich tëm, tsu yeete xtat un plats woo tee selepst hin keen wolt. 2 Tan, hot eyer tëne kesaat: “Yawool, ti erntung is kroos, awer es kept weenich aarwayter. Tes weeche, tuut fer te Hër fon te erntung aan hale tas eyer aarwayter fer Sayn erntung xikt.” 6 Un, wën tat een fraaynt fom friit is, tuut ayer friit uf tëm ruue. Awer, wën kheene is, khomt es fer aych tsurik. 17 Too, sin ti 70 mit frooheet tsurik khom un tii hon kesaat: “Hër, soo kaar ti temoone heere uns aan wën mer tayn naame penutse!” 18 Too tës weeche, hot ëyer tsu tëne kesaat: “Ich siin Satanaas wii een plits aus tëm himel xon kefalt. 20 Awer frayt aych net wayl ti kayste aych aan heere tuun. Xtats tas, frayt aych wayl ayre naame im himel kexrip kep sin.” 21 In te selwich xtun is eyer aarich froo kep torich te hayliche kayst un hot kesaat: “Ich tuun tich puuplix loope, Fater, Hër fom himel un fon te eyert, wayl tuu tiise tinge kuut ferxtekelt host fon te kluuche un ti xlaue, un es fer ti kleene tsum foer xayn keprung host. Yaa, mayn Fater, soo se mache, hot tich kefalt. 22 Mayn Fater hot mich ales kep. Nimant wees weer te Soon is, heechstens te Fater. Un nimant wees weer te Fater is, heechstens te Soon un tee fer weem te Soon tëm tsayche wil.” 23 Too temit hot tee sich rom ketreet fer ti tisipele un hot fer tii aleen kesaat: “Froo sin ti aue woo siin was teyer siit. 24 Awer ich saan aych: Fiile profeete un kheeniche wolte kërn siin was teyer siit, hons awer net kesiin, un heere was teyer heert, hons awer net keheert.” 25 Tan hot eene man woo fiil khëntnis iwer tas Kesets hat, sich uf kextelt fer tëm proope. Tee hot kesaat: “Leerer, was mus ich mache fer tas eewiche leepe kriin?” 26 Tee hot tëm kesaat: “Was xteet im Kesets? Was leest tuu too trin?” 27 Tee hot keantwort: “‘Liip Yeehoowa, tayn Kot, mit tayn kans hërts, mit tayn kans seel, mit tayn kans kraft un mit tayn kans ferxtant’ un ‘tayn neekste wii tich selepst’.” 28 Tee hot tëm kesaat: “Tuu host tas richtich keantwort; tuu tas wayter mache un tuu tuust tas leepe kriin.” 29 Awer te man wolt pewayse tas eyer kerecht waar; tes weeche hot eyer fer Yeesus kefroot: “Weer is wërklich mayn neekste?” 30 Yeesus hot soo keantwort: Een man is fon Yeruusalem noo Yerikoo kang un phaar xpitspuupe hon tem iwerfal, hon se iim ales weech kehool, ferklopt un sin faart kang un te tsiimlich toot kelos. 31 Een priister waar kraat aan tee selwiche weech am keen, awer, wii eyer te man kesiin hot, is eyer uf ti aner sayt fom weech kang. 33 Awer een samaritaanix man waar torich tiise weech am reese, un tee hot tëm ketrof; wën eyer tëm kesiin hot, hot eyer mitlayt kexpiirt. 34 Soo, is eyer pay tëm kang, hot tëm sayn weyer tsu kepun, un hot eel un wayn triwer kexut. Tan hot eyer tee in sayn aychne tier kehoopt, un hot tee in een ruue plats hin kenom un tëm uf kephast. 35 (...) ‘Phas tem uf, un wëns tuu mee aus kepst wii tas, tuun ich tich te rest petsaale wën ich tsurik khome.’ 36 Weer fon ti tray hot ketsaycht tas er waar te neekste fer te man woo in tii xpits puupe sayn hënt kefal is? 37 Tee hot keantwort: “Tee woo tëm parmhërtslich pehantelt hot.” Too, hot Yeesus tëm kesaat: “Kee un mach tas selwiche.” 38 Wii se wayter kang sin, is eyer in een kleen xtat rin kang. Tat, een fraa woo Marta keheest hot, hot tëm in sayn haus aan kenom. 39 Tii hat aach een xwester woo Maria keheest hot, woo hot sich aan tëm Hër sayn fiis kesetst un hot wayter kehoricht was tee am saan waar. 40 Marta, im keeche teel, waar mit sayn khop aan etwas aneres, wayl tii hat fiil aarwayt se tuun. Soo, is se pay tëm khom, un hot tëm kesaat: “Hër, machst tuu tich niks traus tas mayn xwester mich aleen kelos hot fer ales in richte? Saa tas tii sol mich helfe khome.” 41 Te Hër hot tëne keantwort: “Marta, Marta, tuu pist unruych un machst tich sorich weeche fiile tinge, 42 awer weeniche tinge sin neetich — orer ploos eens. Im keeche teel, Maria hot tas peste teel raus kesuucht, un tas wërt fon tëne net wech kehool.”