Xpriiche

3 Tas pringt eer fer eene mënx wën eyer sich wech halt fon een tsënkeray, Awer te tume tuut sich too rin mexe. 5 Ti ketanke fon een man sayn hërts sin wii tiife waser; Awer te ferxtëntiche man tsiit se raus. 8 Wën te kheenich uf sayn troon sich setst fer se richte, Tuut eyer mit sayn aue ti xlechte wëch xafe. 12 Tas oer woo horicht un tas au woo siit — Ti tswaay waare fon Yeehoowa kemacht. 18 Wën ma fertseelt, tuun ti pleen kuut hin khome; Khëmpf tayn kriich mit kluuch oryentiirung. 19 Tee woo iwer ti anere liie tuut, prayt haymliche sache aus, Tuu tich net mit yemant fersamle woo kërn kwatxe tuut. 21 Een raychtum woo aan kefang wërt mit pekiirichkheet wërt tsum ën khee seechen sin. 24 Een mënx sayn xrite sin fon Yeehoowa kelenkt. Wii khan yemant sayn aychne weech ferxteen? 25 Es is een fal fer een mënx sich ayle un saan: “Tas is haylich!” Un ploos noo heyer tenke aan tëm ferxpreche woo eyer kemacht hot. 27 Te mënx sayn ochtem is Yeehoowa sayn lamp; Tii unersuucht tas tiifes woo im mënx is. 29 Ti hërlichkheet fon te yunge is tëne sayn kraft, Un ti xeenheet fon te elter layt sin tëne sayn kraue hoer.