Eklesyastes

2 Tan, hon ich in mayn hërts kesaat: “Ich tuun prowiire was xpas macht un siin was ich too temit kriin. Awer ich hon kesiin tas tas umsonst waar. 2 Ich hon iwer tas lache kesaat: “Fer was is tas?” 3 Ich hon een tiif unersuuchung kemacht fer raus kriin was peser weyer fer ti mënxe mache torich ti weeniche taache fon leepe woo se unich te himel hon. Ich hon mich mit wayn kefrayt, mit mayn kluucheet imer pay mich. Ich hon soo kaar mich fer ti tumheet ap kep. 4 Ich hon kroose aarwayte kemacht. Ich hon hayser kepaut un traupe kriiste fer mich keplantst. 5 Ich hon oopst kaate un parke kemacht, un hon ich ale sorte oopst peem in tëne keplantst. 6 Ich hon waser khumpe fer mich kemacht fer een oopst kaate fon kriines peem kiise. 7 Ich hon tiiner un tiinerine kesamelt, un ich hat tiiner woo in mayn haus kepoer sin. Ich hat aach fiil trop fii kesamelt — fon rints fii un xeef —, mee wii ale woo foer mich in Yeruusalem keleept hate. 8 Ich hon kolt un silper fer mich kesamelt, aach xatse fon kheeniche un prowinse. Ich hon singer un singerine fer mich fersamelt. Ich hat aach was kroose xpas fer ti soone fon te mënxe kept — een fraa, yaa, fiile fraae. 9 Tan, sin ich kreeser kep wii ale woo foer mich in Yeruusalem keleept hate. Un mayn kluucheet waar imer noch pay mich. 10 Ich hon mich net tsurik kehal fon ales was ich mich kewinxt hon. Ich hon mayn hërts net wech kehool fon ales was xpas macht. Mayn hërts hot sich kefrayt weeche mayn kans xweyer aarwayt, un tas waar mayn peloonung fon mayn kans xweyer aarwayt. 11 Awer, wii ich noo ketenkt hon aan ti kanse aarwayte woo mayn aychne hënt kemacht hate un aan ti kans xweyer aarwayt woo ich mit fiil mii kemacht hat, hon ich kesiin tas ales umsonst waar. Tas waar wii te wint noo xpringe. Es waar kaar niks unich ti sun woo echt weyert hat. 15 Tan hon ich in mayn hërts kesaat: “Tas was mit te tum pasiirt tuut aach mit mich pasiire.” Tan, was hon ich kriit, wayl ich soo kluuch kep sin? Un hon ich in mayn hërts kesaat: “Tas is aach unutslichkheet.” 22 Was wërt te man wërklich fertiine fon sayn kans xweyer aarwayt un sayn wunx fer imer mee kriin, woo iim traypt soo fiil xafe unich te sun? 23 In sayn kanse taache, pringt sayn aarwayt iim xmërtse un frustratsyoon, un soo kaar net nachts ruut sayn hërts. Tas hot aach khee tswëk. 24 Fer een mënx kepts niks peseres wii ese un trinke un frayt fine in sayn xweyer aarwayt. Ich hon ferxtan tas tas aach fon te hant fom woere Kot khomt,