1te Pheeter

1 Pheeter, aphostel fon Yeesus Kristus, fer ti pewooner woo net lang plaype woo aus keprayt sin in Ponto, Kalasya, Kapatosya, Asia un Pitiinya, fer ti rauskesuuchner 2 woo Kot, te Fater, raus kesuucht hot pextimt mit was ëyer foer heer xon kepleent hot, woo torich te kayst, kehaylicht kemacht kep sin, tas iir foliche sayt un mit Yeesus Kristus sayn pluut ferxpritst sayt. Tas iir imer mee unfertiint kuutheet un friit hot. 3 Keloopt say Kot un Fater fon unser Hër Yeesus Kristus, wayl torich tëm sayn kroos parmhërtslichkheet, hot er uns een nay kepoer kep fer een lepeentich hofnung torich tas ufxtaye fon Yeesus Kristus sayn toot, 4 fer een ërperxaft woo net ferkeet, oone flek un woo net aus keet. Tii is fer aych in te himele wech ketuun, 5 woo fon Kot sayn macht kexitst sin, torich te klaape, fer een retung woo fërtich is fer in te tsayt fom ën ketsaycht wëre. 6 Tes weeche, is ayre frooheet soo kroos, opwool es neetich is — fer een khorts tsayt — tas teyer ëngstlich wërt weeche ti fiile proope. 7 Soo, khan ayre keproopte klaape aych loop, hërlichkheet un eer pringe wën Yeesus Kristus taytlich ketsaycht wërt. Tiise sort klaape hot fiil mee weyert wii tas kolt, woo ferkeet, opwool tas torich fayer keproopt wërt. 8 Opwool iir tee nii kesiin hot, liipt iir tëm. Opwool iir tee yets net siit, klaapt iir aan tëm un tuut aych fiil fraye mit een frooheet woo mer net aus leye khene un woo hërlich is, 9 soo wii iir tas tsiil fon ayre klaape hin kriit: ti retung. 10 Iwer tiise retung, ti profeete woo profetisiirt hon iwer ti unfertiint kuutheet woo fer aych pextimt waar, hon flaysich xtutiirt un mit fiil acht unersuuchung kemacht. 11 Tii hon fersuucht ti spetsiifixe tsayt un sirkunstanse wise woo te kayst aan tëne iwer te Kristus hin ketsaycht hon, wii te kayst foer heer tsaye kep hot iwer ti layte woo Kristus mit mache teet un ti hërlichkheet woo khome teet. 12 Tii hon tsu wise kriit tas se ketiint hon net fer sich selepst, awer fer aych, mit was se tuun hon mit te tinge woo yets fer aych aus kexproch kep sin, torich tii woo ti kuute oter fer aych kesaat hon mit hayliche kayst woo fom himel kexik kep is. Es sin tiise tinge woo ti ëngele sin lustich fer se ferxteen. 13 Tes weeche, tuut ayre ferxtant foer perayte fer ti aarwayt; halt ayre ferxtant wach; halt ti hofnung aan te unfertiint kuutheet, woo fer aych keprung wërt in te tsayt woo Yeesus Kristus taytlich ketsaycht wërt. 14 Wii foliche khiner, lost net tas ti winxe, woo teyer friier hat wii teyer khee khëntnis hat, aych wayter mustere. 15 Xtats tas, sayt haylich in ales was teyer macht, soo wii te Hayliche woo aych keruuft hot. 16 Wayl es xteet kexrip: “Sayt haylich, wayl ich sin haylich.” 18 Wayl teyer wist tas es waar net mit tinge woo fersaue khene — soo wii tas silwer orer tas kolt — tas teyer pefrayt kep sayt fon ayre unutsliche leepe, woo teyer fon ayre foerkhomer keërpt hot. 19 Awer es waar mit tayer pluut, soo wii tas pluut fon een lam oone feele un oone flek, Kristus sayn pluut. 21 Torich tëm, tuut teyer aan Kot klaape, woo tëm tswixich ti toote uf keruuft hot un tëm hërlichkheet kept hot, tas teyer ayer klaape un ayer hofnung uf Kot xtaypt. 22 Wayl teyer ti woerheet aan keheert hot, teyer sayt phuer kemacht kep — un te resultaat is een eerlich priiterlich liip*. Tes weeche, tuut een tiife liip, fom hërts, eene tsum anere hon. 24 Wayl “ti kanse mënxe sin wiis kraas, un sayn kans hërlichkheet is wii een pluum ufm khamp; tas kraas fertrokent un ti pluum falt ap, 25 awer was Yeehoowa saat, halt fer imer”. Un was tee saat, sin ti kuute notisye woo fer aych aus kexproch kep sin.