Teuteronoomyum

6 Say koraajich un xtark. Tuu khee pang hon un say net ëngstlich foer tëne, wayl Yeehoowa tayn Kot is tee woo mit tich marxiirt. Tee tuut tich nii oone hilef orer im xtich lose.” 7 Tan, hot Mooses Yosuee keruuft un foer ti aue fon tëm kans folek hot iim kesaat: “Say koraajich un xtark, wayl pist tuu woo macht tas tiise folek in tëm lant rin keen woo Yeehoowa fer tëne sayne foerkhomer ferxproch hot, un pist tuu woo tas fer tëne wii ërpxaft kepe tuust. 8 Yeehoowa is woo foer tich marxiirt, un tee tuut wayter mit tich plaype. Tee lost tich net aleen, tee lost tich net im xtich. Tuu khee pang hon un ferxrekt tich net.” 12 Samel ti layt, ti mëner, ti fraae, ti khiner un te auslënter, woo in tayn xtete woont, tas se horiche, lërne iwich Yeehoowa, tayne Kot, un iim respektiire, un tas se uf phase fer yeete wort fon tiise Kesets erfiile. 13 Tan sayn khiner, woo tiise Kesets net kekhënt hate, tuun heere un lërne Yeehoowa, tayn Kot, tiif respektiire ti kanse taache woo teyer leept im lant woo teyer kriit uf te aner sayt fom Yortan flus.” 29 Wayl ich wees kans kenau tas, noo mayn toot, tuut teyer sicher tas xlechtes mache un tuut aych ap lenke fom weech woo ich aych kexikt hon se keen. (...)