Xpriiche

2 Mayn soon, wëns tuu mayn wërter aan nëmst Un mayn kepoote im hërts halst; 2 Wëns tuu mit acht ti kluucheet aan heerst Un tayn hërts fer ti ferninftichkheet uf machst; 3 Wëns tuu aach noo te ferxtëntnis ruufst Un mit hart xtim ti ferninftichkheet ferlangst; 4 Wëns tuu wayter tiise tinge wii tas silper suuchst Un tëne wayter wii ferxtekeltne xetse suuchst; 5 Tan, tuust tuu ferxteen was petayt tiife respekt tsu Yeehoowa hon Un tuu tuust Kot sayn khëntnis fine. 6 Wayl es is Yeehoowa woo kluucheet kept; Fon sayn munt khome khëntnis un ferninftichkheet raus. 7 Eyer tuut ti praktix kluucheet fer ti kerechte wech tuun. Tee is een xits xilt fer tii woo sich troy hale 8 Eyer peopacht ti weeche fon kerechtichkheet Un xitst te weech fon tëne woo leaal tsu tëm sin. 9 Soo, tuust tuu ferxteen was richtich, kerecht un ufrichtich is Un tuu tuust ale kuute weeche khëne. 10 Wën ti kluucheet in tayn hërts rin keet Un tas khëntnis tayn seel kefale tuut, 11 Ti apiliteet fer triwer noo tenke tuut tich uf phase Un ti ferninftichkheet tuut tich xitse, 12 Fer tich fom xlechte weech rete, Fon te mëner woo xlechte tinge xpreche, 13 Fon tëne woo ti richtiche weeche lose Fer in te tunkle weeche keen, 14 Fon tëne woo sich fraye wën se tas xlechtes mache Un woo sich kefale mit te xlechtichkheet, 15 Tii woo uf krume weeche keen Un woo hinerlistich sin. 16 Ti kluucheet tuut tich fon te ausferxeemt fraa xitse, Fon te tsaate wërter fon te imoraalix fraa, 18 Wayl tas haus fon te imoraalix fraa nëmt tsum toot; Un sayne weeche nëme tsu tii woo khee kraft im toot hon. 21 Wayl ploos ti kerechte tuun uf te eyert woone, un ti unxultiche tuun uf tii plaype. 22 Awer ti xlechte wëre fon te eyert wech kexaft; un ti hinerkeener wëre fon tii ap keropt.