Eeksotus

11 Tan, Yeehoowa hot fer Mooses kesaat: 12 “Imer wëns tuu een senso machst un ti soone fon Israël tseelst, yeete eene tuut fer Yeehoowa kepe een fray khaaf opfer fer sayn leepe in te tsayt fon te senso. Tas is soo tas khee phest iwich tëne khomt wën se rexistriirt wëre. 13 Al woo rexistriirt wëre, mise een halp sikel kepe, tëm noo te muster sikel fom hayliche plats. 20 xeras sin een sikel. Een halp sikel is ti kontripuytsyoon fer Yeehoowa. 14 Yeete eene woo rexistriirt wërt, woo 20 yoore hot orer elter is, tuut tiise kontripuytsyoon fer Yeehoowa kepe. 15 Te rayche sol net kepe mee wii halp sikel un te aarme aach net weeniche, wii kontripuytsyoon fer Yeehoowa, fer iire leepe petsaale. 16 Tuu solst fon te israeliiter hoole tas silper kelt fon was se fon sayn leepe petsaalt hon un tas wii nuts fer te tiinst fom tapernakel kepe, tas tas wii erinerung fer ti israeliiter foer Yeehoowa tiint, fer te fray khaaf opfer fon iire leepe mache.” 17 Yeehoowa hot wayter mit Mooses kexproch: 18 “Mach een xisel fon khuper mit een xtënte aach fon khuper, tas se sich wexe; tan xtel se tswixich ti fersamlungs parak un te altar, un tuu waser rin. 19 Aron un sayn khiner wëre iire hënt un fiis tat wexe. 31 “Tuu saast fer ti israeliiter: ‘Tas sol wayter een haylich eel fon salpung fer mich sin, torich ayre kanse xeneratsyoone. 32 Sol net kexmiirt wëre im khërper fon nimant, un mit sayn kompositsyoon solt teyer niks eenliches wii tas mache. Tas is etwas hayliches, un tas sol fer aych aach soo plaype. 33 Weer een eel eenlich wii tiise eel macht un tas in een persoon xmiirt, wërt fon sayn folek wech kexaft.’”